Al jaňymy...
Söz berişdik — jaňlaşmaly däldik biz,
Soramaly däldik hal ahwalymyz.
Sen çepe, men saga bakyp geçmeli,
Deň düşse-de garşylaşýan ýolumyz.
"Ykbal deň gelenok" diýişen bolup,
Çözüpdiris "dünýäň meselesini".
"Deň etmän, duş etmez" — çyn bolýan bolsa,
Ykbal dälmi maňa duşuran seni?!
Jaňlaşamzok, soralanok hal-ahwal,
Beýdip biz nämäni subut etmeli?!
Ahmal,
Bir-birege garaşylýandyr,
Beýle bolsa — kim birinji ätmeli?!
Biz ýeňip geçmeli ýaýdanjaňlygy,
Ýeňmeli her kim öz men-menligini.
Aňlamaly, boýun almaly, janym,
Aýra bolsak bir zatlaryň kemdigni.
Söz berişdik — jaňlaşmaly däldik biz,
Soramaly däldik hal ahwalymyz.
Ýöne men çydamok, halys çydamok!
Al jaňymy...
Dolan!
Men sensiz ýalňyz...
© Perhat H.
Soramaly däldik hal ahwalymyz.
Sen çepe, men saga bakyp geçmeli,
Deň düşse-de garşylaşýan ýolumyz.
"Ykbal deň gelenok" diýişen bolup,
Çözüpdiris "dünýäň meselesini".
"Deň etmän, duş etmez" — çyn bolýan bolsa,
Ykbal dälmi maňa duşuran seni?!
Jaňlaşamzok, soralanok hal-ahwal,
Beýdip biz nämäni subut etmeli?!
Ahmal,
Bir-birege garaşylýandyr,
Beýle bolsa — kim birinji ätmeli?!
Biz ýeňip geçmeli ýaýdanjaňlygy,
Ýeňmeli her kim öz men-menligini.
Aňlamaly, boýun almaly, janym,
Aýra bolsak bir zatlaryň kemdigni.
Söz berişdik — jaňlaşmaly däldik biz,
Soramaly däldik hal ahwalymyz.
Ýöne men çydamok, halys çydamok!
Al jaňymy...
Dolan!
Men sensiz ýalňyz...
© Perhat H.
Состояние архива
● Полный текст
● Сохранено комментариев: 10/10
Опубликовано на сайте: dostluk.ru · Источник: копия Web Archive — dostluk.ru, 21 ноября 2018 · Открыть оригинал ↗
Комментарии 10
Sen nirede,
şu hal dara-direde,
şeýlebir sesiňi eşdesim gelýär.
Sen bolsa arzymyň ýeterinden daş.
Aşyk bolan ömrüň eşretin bilýär,
diňläsim gelýär seň saz ýaly sesiň,
dem alşyňy, aýnaýşyňy, gülkiňi.
Sen bolsa ret edip, yşkym tütedip,
Meň aşyk pälimi, şahyr küýümi
bitaý kapyýa deý özüme goýýaň.
Ah, şol telefonňam ebedi öçük.
Men bolsa bir seniň sesiň küýseýän,
Bar zatlaň, ýok zatlaň baryndan geçip.
Aýlanyp-aýlanyp özüme gelýär,
Gulaga öwrülip diňleýän jaňlam.
«Abonentiň telefony öçürlen…».
Wah, şu wagt ýüregmi şu jaňa daňsam,
Telefonňy açyp goýar el bile.
Diňe saňa duşup ejizledim men,
Sözüm ýele berdim, ömrüm ýelgine.
Bir ädim ýanymda dem alan günleň,
Düýşüňe girýänim gürrüň bereňde,
Günler zybrym mensiz duşuňdan geçip,
Mahal-mahal «SMS-lem» göreňde,
Bir gün eşiklerim eýesiz galyp,
Senem özüň ýetim ýaly duýmasaň,
Isleýşimçe söýen dälsiň, ezizim,
Eden jaňlaryma hormat goýmasaň!
Aýtmadyk sözleriň ýürege sygman,
Soňky deme çenlem ýetmän takadyň
agy bolup bokurdagňa direse,
pyşyrdylaň barar maňa jaň bolup,
«Sen nirede, sen nirede, nirede?!…».
/SEÝITMYRAT GELDIÝEW