Keselhanada
Öňräk daşary ýurtlaryň birinde bir ýoldaşymyz allergiýa keseline uçrady. Ertirlik naharynda ýakmazrak bir zat iýendir-dä, ýüzleri gyzaryp, endamy çişip başlady. Ilki muňa kän bir üns bermedik. Özünden özi aýrylyp, geçip gider öýtdük. Ýöne ýagdaýy gowulaşmady. Gitdigiçe gyzardy, çişi köpeldi, günortana golaý ysgynsyzlykdan zeýrenip ugrady.
Onsoň derrew taksi çagyryp, gospitala eňdik. Münen taksimiz gospitalyň umumy derwezesinden giren badyna aňyrdan bäş sany ak ýektaýly şepagat uýalary bize tarap ylgaşyp gaýtdylar. Olaryň ikisi tigirli koýka alyp gelýärdi. Biz entek taksi bilen hasaplaşyp ýetişmänkäk olar ýaňky hassamyzy koýka geçirip ýatyrypdyrlar. Ýogsa, ýöräp bilmez derejedäki agyr hassa däldi.
Onsoň bular koýkany tigirläp, gyssanmaç gospitala tarap ýöräp ugradylar. Gidip barýarka olaryň biri ýaňky hassamyzyň goltugyna bedeniň gyzgynlygyny ölçeýän enjamy sokdy, beýlekisi gan basyşyny, ýene biri ýürek urşuny ölçeýärdi. Bizem aňk-taňk bolup, bularyň yzynda. Bizi gospitalyň işiginden salmadylar, hassamyzy bolsa alyp galdylar.
Myhmanhana gelip, günortanlyk edindik, biraz dem-dynjymyzy alyp, giç öýlänler hassamyzy soramak üçin gospitala gitdik. Iýer ýaly grilde bişen towuk, gatyk, biraz gök-sök alyşdyrdyk. Bardyk. Habarymyzy berdik. Agzynda iki sany gözegçi poliseý hem üç sany şepagat uýasy duran ekeni. Poliseýleriň biri meniň elimdäki towukly, gatykly, gök-sökli paketi görüşdirip, bu näme diýdi. Aý, hassamyza iýer ýaly odujak-budujak getirdik diýdik. Ýaňky gözlerini alardyp, gaşlaryny çytyp, bir elimdäki pakete, birem maňa şeýle bir ýigrenç bilen seretdi welin, etmesiz bir zady edip, üstünde tutulan ýaly şo bada maňlaýyma şagga der inip, gorkyma galpyldap ugradym. Beýleki poliseýem barmagy bilen gapyny görkezip, çykyň diýdi. Sesimizi çykarman yzymyza döndük. Çykyp barýarkak şepagat uýalarynyň biri gospitalda ýatan hassa iýer ýaly zat getirmek bolanok. Hemme zady özümiz berýäris. Bärde aç saklaýan barmy? Bileňzokmy? diýip madyrdady.
Biz nireden bileli? Asyl görüp otursak, hassaň yzyndan diňe bir iýer ýaly zat däl, hatda halyny soramaga-da goýbermeýän ekenler. Bize geň görünse-de gowy düzgün eken. Ertesi hassamyz gül ýaly sagalyp, gospitaldan çykdy.
Onsoň şu gün irden bärde - Türkmenistanda, syrkaw ýatan bir tanşymy soraýyn diýip, keselhana bardym. Ýagdaýyny soradym. Emgek bolup geçsin, ynha, hä diýmän gutularsyň, diýip göwünlik berdim. Derman-däri ýeterlik tapdyrýarmy diýip soradym. Gerek-ýarak zadyň bolsa aýt, getireýin diýdim. Ýanynda biraz oturyp, hoşlaşyp, çykyp gaýtdym.
Gelýärkäm şol daşary ýurtdaky gospital biygtyýar ýadyma düşdi. Ony öz keselhanamyz bilen deňeşdirip gördüm. Parhy gaty uly ekeni. Saglyga seredýän türkmen hünärmenleriniň şol ýurtlardaky kärdeşleri bilen tejribe alyşmaklary dogrusynda oýlandym. Dogrudanam olarda öwrenere zat kän.
Состояние архива
● Полный текст
● Сохранено комментариев: 67/67
Опубликовано на сайте: teswirler.com · Источник: копия Web Archive — ertir.com, 20 мая 2012 · Открыть оригинал ↗
Комментарии 67
gowja tema paylashanyn uchun sag bol
hemme yerin agam bar garasam bar. no tak umuman alanda biraz tapawut bolup biler no bular yali godek dil bilen eleshtirmesek (kritikowat etmesek) yenede gowy bolardy
her bolnisanyn özünin standart 'Istoriýa bolezni i leçenii' (Keseliň taryhyny)-muna epikriz diyilyar bolyar. muny olardan uytgedip yazmagy talap etmage hakymyz yok. eger gerek bolsa islan dilimize terjime etdiribermeli.(senin edişin yaly)
bolnoyyn gryzhadan aradan çykmagy myş-myş bolmagy mümkin. sonam hiç otwetswenni wrac yany okuwy gutaran talyba polnostyu operasia etmage rugsat bermeyar. yany gutaranlar hemişe yokarky kategoriadaky wrajyn gözastynda operasia edyaler. sonam operasiada her herekedin bir manysy bir maksady bar. hany onda kesdik tut anyrsyndan... diyip göri garna giribermeyaler.
gel bolnoy öldi diyeli, bolup biler. John Hopkins Hospital-da kesel böbregi dal-de sag böbregi yalnyşyp aldylar.
yalnyşyp başga adamy operasia etdiler. bizin univer.-de ginekolog prof. yönekey operasiasynda bir ayal operstolda öldi. bir ukol urlyp, allergia-anaflakticeski şokdan ölenem kan.(bir ukol etdi bolnoy öldi diysek bolyar gerek) diymek bu zatlar manipulable (islan manyny çykarsan bolyar) beyle black box hemme yer-de bar, dine bizde dal
Hili we serwisi pes bolsa-da biziňkäm bir umyt enşalla düzeler, hemme zadyň bir wagty bardyr-da.. Munyň bilen bilelikde biz näme üçin bu günlere düşdik? soragy hem oýlandyrýar. Diýmek ol eşretli günleri hak edýän däldiris-da. Emma, ýerinden turyp ol günleri hak etmek gerek. Okamak gerek, okatmak gerek.. Ol hili oňat serwisleri hak eden bir millet bolmak gerek.. Goý çopanlarymyz kitap okasyn, olam pygamber käri dälmi näme?! Çopanlarymyzam abraýly bolsun, hak etsin, oňat hilli zatlary ulansyn...
Wah, wagty geler-le hökman geler.. Emma tijenmek gerek, okamak we okatmak gerek...
Gril bilen gatygy iýdiňizmi
dashary yurtda okap gelen wrachlary turkmenistanda ishe almayarlar.
tupizme garshy chykarlar oydup gorkyarlar.
hachanda hassa yakynynyza yalnysh diagnoz goyulsa we dash edewersin welin erbet netije chykaysa, hayal etmani arza yazyp suda berin.
sheytmesen duzelmezler bular.
Gowy tema paylashanyñyza sag boluñ
Turkmenistanda keselhanada ishleyan doktorlaryn kopusinden mal doktorlaram gowy bolaymasa
barde haysyny okamaly dushunmedim
Indi şol ýurt bilen Türkmenistany deňäp ýörsüňmi? 🙂 Gülkünç.....
Nu ı pıssımıstje ty!!!
nu kto skazal cto vse budet tak legko? beyle pıkırlern bn gelsena hıc hem almazlar!
Edil, hassaň yzyndan barmakda, iýmek-içmek eltmekde erbet zat göremok men-ä. Bizem daşarda okadyk, hassahanalara-da baryldy, ýöne olar ýaly ýagdaý bilen kän gabatlaşmadyk.
Edil awtoryň aýdýan hassahanasy hususylaşdyrylan hassahana bolmagy mümkin we naharyň hyzmatlaryň sanawyna goşulmagyna hassanyň puluny opurmak üçin pikirlenilen syýasaty hökmünde seretmek bolar.
Eliň boş, şeýle ýagdaýy soramaga barmagy gadagan etmekde-de many göremok. Hassanyň ýagdaýy agyr bolmasa, adaty palatada ýatan bolsa, näme üçin ýanyna barmaly dälmişin??
Mowzugyň aşagyndan teswir ýazan käbir agzalar bilen ylalaşýan. Türkmenistanyň medisinasynyň ýagdaýy öňki döwürlere seredeniňde ganymatlaşdy. Ýöne, henizem korrupsiýa ösen, baran ýeriňde eliňe seredişip durlar. Bermelije parasyny berseň, saňa gowja seredýärler. Ýogsam ugruňa seredilenok.
Ýokardaky problemanyň çözgüdini daşary ýurduň effektiw praktikasyny öwrenip gelen ýaşlarymyz tapmaly we taparlaram, inşa Allah. Olar, nesip bolsa, diňe bir medisinada däl, eýsem beýleki pudaklarda bar bolan parahorlugyňam soňuna çykyp bilerler.
Akylly, diňe öňe gidýän, diňe peýdaly zatlary öwrenip ýaşaýan ýaş oglan-gyzlarymyz köp bolsun-da, Allajan!
Nyýazow keselhanasyna baranymda başdan geçirenlerim.
ir bilen bardyk.
registraturaň agzy adamdan doly, girelgedäki adamlaryň arasynda her dürli hassa bar.
eli-aýagy birhiliräk, agzyndan suwuny akdyryp gelýän, nerwi keselli çagalaryny idekläp gelýän hossarlar.
welaýatlardan gelenler... tanyşlylar, tanyşsyzlar....
aý, garaz, nobatda epesli garaşyp giren doktorymyz seretdi we kassa iberdi. Pul tölemeli.
Kassaň agzy öňküsinden köp bolmasa az däl.
ýene nobat.
nobat ýetdi. gyz:
-Strahowkaňyz barmy?
-Bar.
-Onda, kopiýasyny getiriň.
-.....
içiňden daşyňa çykaryp bolmaýan söwünçler bilen strahowkaňy kopiýa etmek üçin täze bir nobata durýaň.
...
hemme zady, ähli kadry yzyna aýlap täzeden göz öňüne getireli.
belki şeýle bolmalydyr.
hassa (kliýent) hassahana gelýär.
gapyda ýörite gulluk kabul edýär (güler ýüz bilen).
derdimizi diňleýär we bizi ugrukdyrýar, strahowkaly bolsak onuň kopiýasynyň gerekdigini aýdýar...
işini bilmeýän doktorlar aýry gürrüň.
men diňe işi dogry gurnamagyň kyn zadam däldigini belläsim geldi.
howwa, suda bermeli gözleri gorksa belki has üns bererler edýän ishlerine 🙂
1-njisi adama sarpa goymany öwrenmeli.2-njisi rayatlara döwlet edaralaryna baranlarynda ol yerin eyesinin rayatdygyny işgarlere gowyja bildirilmeli.Dine hekimler dal, hemme ugyrdan Tm çüran. Düzeltmeli işler kan yöne mana dine haram iyyanlarin Allatagala dogry yola getirsin diymek galyar.
gowy duzgun
Bu wagt hassahanalarda dine eline seredyarlera. Önrak bir tan$ymyz rak bolnisa barypdyr,barlatmana .barlagyn netijesina 2-3 gunden son aydyarlar,özem gireninden dogtorlar halyny soraman,genje adamyn nirede isleyar,operasiya nace tolap biljekdiyyarmis.bu wagt dine puluna seredyarler. Pulun bolmasa yykylyp,ölup yatanda'da adyny tutyan yok.
Ýarym molla diniňden aýyrar, Ýarym tebip janyňdan.
Halkara bolnissa bolup keseliň taryhyny iňlisçe (ýa-da 3 dilde, rusça, tm we eng, hassanyň islegine görä bolsady) dilde bermeseler bolmaz ahyry. Halkara uniwersitet diýilip ol ýerde başga dil öwredilmese ýa-da başga ýurtdanam mugallymlar ýa-da studentler bolmasa halkara sözüniň manysy gaçýar.
Grižadan aýrylan oglan barada hakykatdanam eşitdim ýöne görmedim, seniň diýişiň ýaly belki ulaldybam göýberendirler. Ýöne öz dostum bilen hakyky bolan wakany aýdyp bereýin. Bir ýarym ýyl mundan ozal bir dostum awariýa düşdi, özem maşyndady. Ikinji maşynyň sürüjisine kän zat bolmandyr, ýöne ol şolbada meniň dostumyň iki aýagam dyzyndan döwülip ýatan ýerinde, onuň ýanyna gelip - 'Kim günakaraý?' diýip soraýa. (Bolýa indi bu wraçlar hakynda däl, bu başga gürrüň). Wagt geçensoň Tiz kömegi ýetip geldi, ol tiz kömekdäkilerem ýaş oglanlar ekeni. Olar meniň dostumy görüp tanapdyrlar (ýagny ol artistdi), we dostumy göterip tiz kömek maşynyna mündürjek wagtlary, ol doktorlaryň biri - 'Eşdýäň, Palany, häzir gowja ýere eltip ýerleşdirsek, eliňi açarsyňa, eçilersiňä?' diýip ýüzlenýärmişin... Bular ýaly ynsapsyz doktorlaryň bardygyny görýäňmi?! Men şol wagt dostumyň ýanynda bolan bolsam, meniň şoňa nerwim çydaman maňlaýyna bir bererdim, osnoňaniýamam bar. Men onsoňam hemmesine eýle diýip aýdamok, gowy kwalifisirowanyý wraçlaram bar, känem (esasan ýaşulylar), ýöne ýaňky ýaly adamlara bolnissada işi ýokmyka diýýän. Gynansakda tapdyrýa.