Super Kubok Türkmenistan: Nebitçi - Altyn Asyr

Super Kubok Türkmenistan — 2011

Ertir (26.06.2011ý) nesip bolsa futbol boýunça her ýyl geçirilýän nobatdaky Türkmenistanyň Super Kubogyny (Türkmenistanyň naýbaşy kubogyny) almak ugrundaky ýaryşyň finaly bolar. Türkmenistanyň futbol asisasiýasy (TFA) tarapyndan geçirilýän bu ýaryş ertir Aşgabadyň Gaža raýonynda ýerleşýän, 1500 adama niýetlenen, häzirki wagtda FK Aşgabadyň eýeçilik edýän "Nisa Çandybil" stadionynda ýerli wagt bilen sagat 17:30-da başlanar. Türkmenistanyň super kubogyny almak ugrunda ertir Türkmenistanyň çempiony Balkanabadyň Nebitçisi bilen, ýurdumyzyň wise çempiony Aşgabadyň Altyn Asyr futbol topary duşuşar.

Aslynda Super kubogyň finaly oýnalanda ýurduň çempiony hem-de ýurduň kubogynyň eýesi oýnaşmaly. Ýöne bilşimiz ýaly geçen ýyl Balkanabatlylar hem Türkmenistanyň çempiony, hem Türkmenistanyň kubogynyň eýesi bolmagy başarypdylar. Şeýle ýagdaý bolanda super kubok üçin ikinji komanda hökmünde ýurduň wise çempiony gatnaşmaly bolýar. Şol sebäpli bolsa Nebitçiniň finaldaky garşydaşy Aşgabadyň Altyn Asyry boldy. Sebäbi olar geçen ýyl Türkmenistanyň çempionatynda kümüş medalyň eýesi bolmagy başarypdylar. Bu iki topar Türkmenistanyň kubogyny almak ugrundaky soňky final oýnunda hem duşupdylar. Şonda Nebitçi 3-2 hasabynda ýeňiş gazanmagy başarypdy.

Türkmenistanyň Super kubogy bu ýyl 6-njy gezek geçirilýär. Öňki geçirilen super kubok ýaryşlarynda Aşgabadyň HTTU topary 2 gezek, Balkanabadyň Nebitçi topary, Marynyň Merw topary, Aşgabadyň Aşgabat toparlary bolsa degişlilikde hersi 1 gezek ýeňiji bolmagy başardylar.

Aleksandr Klimenkonyň tälimçiliginde ertirki oýna gatnaşjak Balkanabadyň Nebitçi futbol klubynyň düzümi:

Derwezeçiler: Rejep Bagaberdiýew, Islam Igdirow, Nikita Garbunow.
Goragçylar: Ýagmyrmyrat Annamyradow, Oraznepes Orazow, Mekan Saparow, Geldimyrat Garahanow.
Ýarymgoragçylar: Gurbangeldi Batyrow, Azat Muhadow, Ýewgeniý Tkaçenko, Ýewgeniý Zemskow, Talypmyrat Aşyrow, Merdan Annamyradow, Anton Kuçirenkow, Witaliý Alikperow, Batyr Atamämedow, Guzberdi Nazarow.
Hüjümçiler: Arif Mirzoýew, Guwançmuhammet Öwekow, Didargylyç Orazow, Nurgylyç Diwanow, Röwşen Meredow.

Ali Gurbaniniň tälimçiliginde ertirki oýna gatnaşjak Aşgabadyň Altyn Asyr futbol klubynyň düzümi:

Pawel Harçik, Ýusup Orazmämmedow, Gahrymanberdi Çonkaýew, Amir Gurbani, Berdi Hotdyýew, Begenç Annagurbanow.

(Altyn Asyrda şulardan başga kimleriň oýnaýanyny bilip bilmedim. Internetden gözlemedik ýerim galmady. Tapmadym). FK Altyn Asyryň doly düzümini ýazyp berene 5 sowgat berjek. Söz berýän. Bilýän bolsaňyz kyn görmäň. Hökman hemmesini däl, birini goşsaňyz bir peýda.

Balkanabadyň Nebitçisi häzirki wagta çenli Türkmenistanyň 2 gezek çempiony bolmagy başardy. Şeýle-de olar 3 gezek Türkmenistanyň kubogyny, 1 gezek bolsa Türkmenistanyň Super kubogyny eýelemegi başardylar.
Aşgabadyň Altyn Asyry bolsa häzirki wagta çenli diňe 1 gezek Türkmenistanyň kubogyny eýelemegi başardy.

Jemläp aýdaňda ertir Türkmenistanyň iki sany baý kärhanalarynyň klublary duşuşar. 🙂

Türkmennebitönümleri - Tmcell

Hä, bir zat sorajakdymlaý. Türkmenistanyň super kubogy näme üçin çempionatyň ortasynda oýnalýar? Aslynda super kubok diýilýän zat çempionat başlamaga bir hepde galanda oýnalýan zat dälmäý? Bu barada şu ýerdäki türkmen futboly bilen gyzyklanýan oglanlar Zenit hem-de Iniesta (öňki Arlaneo) agzalardan soradym, olardana kanagatlanarly jogap alyp bilmedim.

Arlaneo: ''ön liga gutaranda oynalyardy.. şu yyl üytgapdir öz-a..habarym yok dogrusy.''

Zenit: ''hmm bilmedimda dost. nebitcin aziyadaky kubok oyunlary bolup suyshirilen bolaymasa 🙂''

Bu soragy indi beýleki agzalara hem berýän. Sebäbini bilseňiz ýazyň, kyn görmäň. 🙂
Sag boluň!

Hawwa, haýsy utar bulaň?

"Türkmennebitönümleri" elbetde(70%, 14 adam)

"Tmcell" üçin günde plança manadym gidýär, şoň üçin şular utsunla :)(30%, 6 adam)