Şygryýetden bir damja
Orazgylyç Çary diýip bir şahyr bar. Şu şahyryň bir goşgusyny gowy gördüm-de, siz bilen paýlaşaýaýyn diýdim.
Men dünýäni düzetjekdim,
Eden arzuwym puç boldy.
Ýaş wagtym ölyp gitjekdim,
Bolmady, soňam giç boldy.
Gözedürtme gijelerde
Diňledim arşyň demini.
Juda kän kösendim ýerde,
Tapman köňlümiň emini.
Soň täjir aldy ýanymy,
Ony utmaga çalyşdym.
Galan ömrümiň ýaryny
Kagyzdyr syýa çalyşdym.
Ýüz öwürdi ezizlerim,
Içimi dökdüm ýatlara.
Meni heniz-henizlerem
Ýakýar şol ajy ýatlama.
Men dünýäni düzetjekdim,
Eden arzuwym puç boldy.
Ýaş wagtym ölüp gitjekdim,
Bolmady, soňam giç boldy.
Состояние архива
● Полный текст
● Сохранено комментариев: 6/6
Опубликовано на сайте: teswirler.com · Источник: копия Web Archive — ertir.com, 1 августа 2012 · Открыть оригинал ↗
Комментарии 6
Sagja bol paýlaşanyň üçin !!!!!! +1 !!!!!
GOWY DOSHGY
meniň tanaýan orazgylyjym golýazmalarda işleýädi.
bu onuň goşgusymyka?
Gara pişik! Edil özi. Bäh, tanaýan ekeniň-ä. Goşgysy gowy gerek?
menem tanaýan-a ony.
SENI ÝATLAP
Bu gün ýalňyzlykda ýatladym seni,
Ýandyran günleriň ýatladym, gülüm.
Gaýgysyz, hasratsyz, geçmezdi birem,
Yekeje sagadym, ýekeje günüm.
Sen bolupdyň meniň şatlyk hem gaýgym,
Sen diyip ugruňda porhan-dälidim,
Göwnüme seň wysalyňa ýetmäge -
Diňe sen diýip dünýä inen ýalydym…
Bu gün bolsa senden juda uzakda,
Şol geçen günleri ýatlap durşuma,
Geň galýaryn seni ýada salamda
Ýüregimiň parhsyz rahat ursuna.
Ah, onda-da kate artyp aladam,
Gam-gussaň laýyna batan halatym,
Duýýan, ýüregime agram salyp dur,
Seniň maňa beren çäksiz hasratyň.
…Birdenka-de küýsäp seniň jemalyň,
Ele aldym ýadigärlik suratyň,
Şol dem köýen şöýgüm ajy ýylgyryp
Diýdi – Ýigit, hany, ýigit gaýratyň?
Kalbymy sarsdyryp, inim dygladyp,
Suratyňdan bakdy ýiti nazaryň,
Soraýan dek: -Hany ýalynly söýgüň,
Hany, taryp edip ýazan gazalyň?
Hany, nirde – sorag berdim ožüme-
Ukusyz geçiren ençe gijeleň?
Şeýdip, seni ýatlap, gozgap derdimi,
Barha artdy ýurekdäki ünjülem.
Omürboýy undulmajak ýalydyň,
Sen dälmidiň kalba talaňlar salan?
Birden böküp turdym güňlenç ses bile
- Ýalan, ýalan, ynsan söýgüsi ýalan!!!
Bu goşgy hem Orazgylyjyňky ýöne Orazgylyç Orazgylyjowyňky. Bu şahyr aşgabatda bir keselhanada doktor bolup işleýär.Onuň goşgularyna aýdymçy Pälwan halmyradow hem aýdym aýdýar. Okaň.