Älem - Kitap...

Paulo KOELIO -nyň dürli dillerde neşir edilip, umumy tiražy 300 milliondanam geçen, ony dünýä belli eden bestselleri:      --  "Alhimik"   --
 - bizde satyşda, türk we rus dillerinde.
    ...
    Alhimik ýolagçylaryň biriniň öz ýany bilen alyp gelen kitabyny eline aldy. Jildi gopan hem bolsa, ol kitabyň Oskar Uaýldyň galamyna degişlidigini bildi. Kitabyň sahypalaryny agtaryp oturyşyna-da, Narsis hakdaky hekaýanyň üstünden bardy.
    Alhimik öz gözelligine guwanyp, çeşmäniň suwunyň ýüzüne düşýän keşbine uzakly günläp aňkaryp oturan görmegeý ýetginjek hakdaky rowaýatdan habarlydy. Şondan soňra çeşmäniň kenrynda bir gül gögerip çykýar we oňa wepat bolan ýetginjegiň adyny dakýarlar.
    Ýöne Oskar Uaýld bu wakany başgaça beýan edipdir.
    "Narsis wepat bolanda, tokaý perileri bolan driatlar çeşmäniň gözýaş etmegi sebäpli, onuň süýji suwunyň şorlandygyny bildiler.
    - Näme üçin aglaýarsyň? - diýip, driatlar çeşmeden soradylar.
    - Men Narsisiň agysyny aglaýaryn - diýip çeşme olara jogap berdi.
    - Muny geň görüp oturasy iş ýok - diýip, driatlar seslendiler. - Onsoňam ol tokaýyň içi bilen geçip gidende, biz mydama yzyndan ylgap, diňe ýeňsesini görüp galýardyk. Onuň gözelligini ýakyndan synlan diňe sensiň.
    - Ol görmegeýmidi? - diýip, çeşme-de olardan sorady.
    - Ony senden  gowy biljek kim bar? - diýşip, tokaý perileri geň galdylar. - Seniň kenaryňda durup, suwuňa seredip gününi geçirýän şol dälmidi näme?
    Çeşme esli wagtlap dymanyndan soňra, ahyry dillendi:
    - Men onuň şeýle görmegeýdigini hiç bilmedigem bolsam, Narsis üçin gözýaş dökýärin".
    "Nähili täsin hekaýat" diýip Alhimik oýa batdy.
...

Bu kitaby -

Okadym we haladym(100%, 2 adam)

Okanyma ökünýän(0%, 0 adam)

Hökman okajak(0%, 0 adam)

Okamany halamok(0%, 0 adam)