Aşyr aga bilen Witýa daýylar gerek bize ýa-da hünär boşlugy ýapmaly.
Soňky döwür ýokary okuw jaýlara girip bilim almak durmuşyň uly bir aladasy boldy. Esasanam ene-atalar çagalaryň kellesini kän agyrtýalar. Meselem biznesmen(iş adamy) ýa-da Nebit-gaz ugrundan okuwa salaslary gelýä çagalaryny. We öz şahsy terjibämden aýtsam, köpüsi çagalar bilen maslahatlaşman salýalar şol okuwlara. Bunuň esasy sebäbi hem pul we abraý bolup biler. Käşgä okanyň bilen biznesmen bolup bolsady... Diýlişi ýaly küýkini gabyr düzeder.
Öňräk kondisionerymyz döwüldi, bir iki ýere jaň etdik. Aý maý diýdiler, motory çalşmaly diýdiler... Garaz gymmat düşjege meňzeýädi. Soň bir tanyş üsti bilen bir ors adamy tapdyk. Ýüzüni görenimden begenip gitdim, birhili bejerjege meňzeýädi. Eşigi ýagly, elleri hapa, maşyny köneje. Şakyr-şukur açdy kondisionery, motoryny çykardy, bir günden habar tutarn diýdi. Ertesi gün jaňlaşdyk, ýaňky motory bejerdi we bahasy jaň eden ýerlerimizden iki esse arzan boldy.
Öňler menem hemmezady söküşdirip bejerjek bolup ýöreýädim, antenamyzy bejeren wagtym ýadyma düşýä, soň dagy bütün goňşularymyz çagyrýady bejermäge. Şumat bolsa birzat çala döwülse birini çagyryp düzetdirýän. Ýöne erbet taraby şumatky ýaş ussalaryň köpüsi zat bejerip bilenok, şol detalyň täzesini zakaz edip goýup bilýäler. Bejerip bilýan Aşyr agalar we Witýa daýylar bolsa hemmesi 45 ýaşdan geçen adamlar. Olaryň işinde gaty gyzyklanma bolman soň okuwçylaram ýok. Bunuň sebäbi şu mesele bolup bilermikä diýip oýlanýan:
Elektrik ýada santehnik bolmak ýaşlaryň arasynda masgara bolmak bilen deň mana gelýä. Ýaltanmadyk söwda bilen bolýa. Oglan ene-atasyna men elektrik zatlary bejermäge gowy görýän, ýada agaç bilen işlemäge gowy görýän, plotnik bolasym gelýä diýse (Diýmeýä, ýöne diýse diýip kabul etsek) ene-ata göni negatiw reaksiýa berer. Bahanalaram taýýar, ýa puluň bolmaz gyz tapmarsyň diýer, ýa goňşyň ogly Rossiýada biznes okaýa biziň nä kem ýerimiz bar diýer, ýada nebit-gaz pudagynda pul kän diňe şony okarsyň diýer. Şeýdibem çaga öz halaýan zadyndan utanyp ugraýa we başga ugurdan gidýä okamaga. Indi şol çagadan ne plotnik bolar nede biznesmen bolar, kösener ýörer. Şeýdibem proffesionalizm ýetmeýän adamlarymyz köpelýä. Beýleki tarapda bolsa moşennikler köpelýä. Özüne ussa diýip dünýäň puluny sypyrýalar. Ol puluň ýarysyna täze detal alyp dakyp goýberýäler, ýada gaty nekaçestwennyý iş edýäler.
Şeýlelik bilen jemgyýedimizde uly hünär boşlugy döreýä. Şol hünär boşlugy doldurmagyň ýeke çykalgasy bar men pikirimçe. Çagalararymyzyň isleýän zatlaryna hormat goýmaly. Bu santehnik/elektrik bilen baglanşykly negatiw stereotipleri ýok etmeli. Pul hem problema bolmaz, gyz hem. Şumat şol ors adamyň boş durýan wagty ýok, günde şeýdip 4 kondisioner bejerse jübüsinde 2mln manat bolýa. Yzyny siz hasaplaberiň. Bir görseň özüne masterskoýjagaz açynar we hälki islemän biznes okan oglandan näçe esse bagtly we üstünlikli bolar. Dostlarymyzyň arasynda elektrik enjamlary bejermegi halaýanlar bar bolsa biz goldamaly, sebäbi soňunda bize hem peýdasy bolýa. Döwledimiz Bangladeşden, Hytaýdan şonça işgär getirýä, bulaň barsy dünýäň puluny alýalar. Biziňkiler bolsa biznes okap ýörler, okabam bir firmada ýada hökümetde maşennik bolup ýetişýäler.
Elbetde biznes bilen meşgullanýan adamlaram gerek, ýöne biznese gyzýan/gyzyklanýan adam meşgullansyn. Deň agramly jemgyýet gerek, diňe biznesmen we adwokat bilen bu iş bolmaz. Aşyr agalara we Witýa daýylarada biraz goldaw berilmeli, biznes okaýanlar şolar bilen gepleşip masterskoý açmaly, okuwçy okatmaly. Bulaň hemmesi bu uly boşlugy ýapmaga azda kände kömek edermikä diýýän.
Bilmedim, aýtjak bolan zadymy aýdyp bildimmi. Siziň pikirleriňize garaşýan!
Состояние архива
● Полный текст
● Сохранено комментариев: 26/26
Опубликовано на сайте: teswirler.com · Источник: копия Web Archive — ertir.com, 8 мая 2012 · Открыть оригинал ↗
Комментарии 26
ty hochesh, chtoby ya voshla v ryad dyadi Ashira i dyadi Viti?
Hiçkimi aýratynlykda göz öňümde tutmadym
s pontom blum
Bir gyz üçin hünär saýlaýadyk şugün, soňam bir makala okadym, şondan höweslenip ýazdym. Sen bilen baglanşyk bolsa bolsa 5%dyr
dogry aydyan. howesi bar dostyna ya tanyshyna goldaw bersen(eger guyjun bar bolsa, bolmasada shona komek etjek adam tapyp bersen), ozun uchin we dostyn uchin gowy bolar.
aydyshyn yaly hazirki wagtda ene-atalar chagalaryny profesiya saylamakda dinlanoklar. goni Polit-in nebit-gazy diydi ya-da Rossiyada adwokatchylyk okuwa iyberip, abray gazanjaklarmysh. erteki gun bolsa okayan ugruna howes bolmadyk chagalar hokumetde ishlap bilman kosenmeli bolar.
ene-atalar chagalarynyn name has beter howes edyandigini yashlykdan bilip, sho ugra koprak gonukdirip, ulalanda-da sho ugur boyuncha okatsa(hokumetde ya-da chastno birinde), sho chaga oz profesiyasyndan prof biri bolup yetisher.
Röwşeniň belläp geçişi ýaly, höwes edýän zady etmeli herkim. Düşünşmezlik bolmaz ýaly nebitçiler we adwokatlar gerekdäl diýemok men, olar gaty gerek. Ýöne höwes edýän adamlar meşgullansa işiň hili gowy bolar, moşennikler azalar.
sag bolung, yazgyngyzy gaty haladym. boşluklar diyip goşgy yazmaly boldy indi. 🙂
yöne, bu giden boşlukdan naedip başlyk döraerkae?!
Aydyan zatlaryn gaty jaydar gurrun. Yone Karl Marksyn bellap gechishi yaly her adamyn ichinde inzhener hem bardyr balykchy hem bardyr aydymchy hem bardyr. Uniwersitet okamagam bir tejribe. Oz howes edyan ugrunda okap bolsa ol gaty gowy zat. bashlyklar okap durmusha gechirse kem bolmazdy.
shular yaly yazuwlaryna garashyas.
hünär saýlamak näme diýseňem hakykatdan hem kynda. adam okuwyny gutarýar, 17 ýaşynda, näme iş etjegini bilenok. ýagny edil häzirki döwürde okuwyny birzada HÖWESLI bolup gutarýan tapmak kyn.
häzirki ýaşlaryň iň HÖWESLI zady näme? gyz bilen gezmekmi? 🙂
Nazar betinden yazypsyn, aytjak bolyan zadynam gowy aydypsyn🙂
hawa, ene atalar chyndanam kabir zatlara ang yetirmeli.
yone ondanam ong, yash oglanlaryn ozleri hem bir zada ang yetirmeli:
oz durmushynda dine ilin gepi bn gitmeli dal, oz kellane gora, oz yuregine gora bolmaly.
eger her kim oz isleyan zadyny etse, ene atalar name diysede sho boshluklar oz ozunden yitip giderdi.
onun uchinem bizin halkymyz biraz dogmatikrak...
gynansagam sheyle.
Nazar,absalyut diyan pikiring bn ylalashyan!Okанам bir,dokanam bir dp nakyldan chen tutsang,ondo hemme hunarleri bir tutulyar shu nakylda,yokary okuw bilimi absalyut kolledjing sdandartyna gabat gelenok,meselem nebitgz inzineri yokary derejesi 840 man (ongada entek seni galdyrsalar)alyar diyeli yllyk girdejisi 10080 man dollordo ortocho 3537$ bolyar,okuwa 35000$ dollor berip girende,pochti 10 ylyng ichinde uzyar,eger iyman-ichman tokkalap berende,ongki alan biliminem obnulit edip beryaler.Gutoran uchurymlar daze owrenmek ukybam yok,song nache pully bolsodo,kluchewoy postlarda goyup bilenoklar,onsong nirde para alynyan yeri gozleyaler,tamojniy,nalogchy,gayishnik,aptekchi,w.s.m,bilmedim kashga hakykatdanda 35000 bilim alsang shonga parada diyjekdal!
Käwagt ene-ata sebäpli däl-de öz islegiň sebäpli hem öz oňarýan işiňi taşlamaly bolýar. Men 7-nji klaskam anten sazlamagy öwrendim. Şuwagtam sazlap bilýän. Ýöne şol işi özüm edesim gelmedi soňlugy bilen. Ýogsam pul ýoksuz däl şol işlerden. Biriniň antenini sazlaýaň, 20-25$ pul alýaň.
Käwagt men ussa diýýänler duşýar. Islendik bir zady bejertmek üçin nirä baraňda-da, ýa-da bejertmek üçin öýüňe çagyraňda-da şol zatdan başyň çykmaýanlygyny bilseler sokjak bolýalar. Eýleň-beýleň, onsuny-munsuny çalyşlamy we ş.m. Aslynda şol zadyň üýtgeşik etmeli zadam ýok.
Aşyr agalar we Witýa daýylar bolsa beýle däl. Niýetleri sokmak däl, iş etmek.
gowy blog 👍
Nämüçin çydamsyz ýasalýar soňky zatlar diýen sorag atyldy orta arada. Mysal üçin 1955-nji ýyldan bäri işläp duran, gazy çalşylmadyk rus holodilnik nädip bolýar, aňry gitse 3-5 ýyldan remonta düşýän holodilnik indi iň gowularyndan hasap edilýän bolsa. Ençe gürrüňden soň jogaby tapdyk - 1955 holodilnik edilmelisi ýaly edilipdir. A 2005 holodilnik bolsa, derrew serwise düşsün, bir zadyny çalyşmaly bolsun, şeýlelikde satan firma has köp pul gazansyn diýlen maksat bilen we elbetde, has arzan öndürmek üçin edilen bolmaly.
Diýjek bolýan zadym, kapitalizmiň bize sowgady bolmaly şu tüketmek (consuming, tüketicilik) keseli. Şu sebäpden soňky çykýan zatlaram, adamlaram, adamlaryň şol zatlary oňarjak bolşam şol bir kesele duçar.
Meniň pikirim.
Dogry zatlar, shu wagt dashary ýurtda bissnes ugurdan okap gelýän ýashlañ 80% ish tapanok, emma gowy santehnik bilen elektrigi firmalañ özem tapanok.
Dogry zatlar, shu wagt dashary ýurtda bissnes ugurdan okap gelýän ýashlañ 80% ish tapanok, emma gowy santehnik bilen elektrigi firmalañ özem tapanok.
Dogry zatlar, shu wagt dashary ýurtda bissnes ugurdan okap gelýän ýashlañ 80% ish tapanok, emma gowy santehnik bilen elektrigi firmalañ özem tapanok.
mena bir ishi gowy edyan adam, gaty tupoy bolmasa beyleki ishi hem gowy edermika diyyan. sebabi beyni gowja ishleyan bolsa. saz-sungat muna degishli dal.
suratlar betmi
👏
men barde??