3D äýnekler barada gysgaça maglumat

Salam hormatly agzalar.
1-2 hepdelikde Resident Evil 4-iň 3D Film DVD-sini satyn aldym. Aslynda çykan hepdesi 3D kinoteatrda görüpdim, onda-da ýüzünde "2 sany 3D äýnek sowgatly" diýensoň bilesigelijigimi ýeňip bilmän aldym. Içinden
kinoteatrlardaky ýaly gowy Real 3D äýnekler çykar öýtdüm welin, 2 sany karton 3D äýnek çykdy 🙂 Biraz reňksiz görkezýär diýmeseň oňuşmazça däl. Şondan soň internetden 3D äýnek, video, surat.. hakynda biraz maglumat toplap olar barada bir mowzuk açmagy makul bildim.

Ilkinji 3D äýnekleriň taryhy XIX asyryň soňlaryna daýanýar. Olaryň birnäçe görnüşleri bardyr:

1) Anaglyph 3D äýnekler: Ilkinji oýlanyp tapylan we reňkli aýnalary bolan äýnekler bolup, karton we plastmassa ýasalýar. Videolaryna ýönekeý göz bilen köp seredeniňde gözüňi agyrdýar. Şuwagtlykça internetdäki köp 3D wideolardyr suratlar bu şekildedir.





2) ColorCode 3D äýnekler:
Bu hem 2 sany gök we açyk goňur reňkli aýnalardan ybarat. Aýratynlygy - reňkleriň hiliniň güýçli bolmagy we suratlarynyň ýönekeý göz bilen hem görülip bilinmegi. Meň pikirimçe, arzanlygy we hili boýunça kompýuterdäki iň gowy standart. Esasy mesele ýaýradylmagynda.


3) Polarize 3D äýnekler:
3D kinoteatrlarda iň köp ulanylýan 3D äýnek görnüşidir. Mysal hökmünde "RealD 3D" ulanýan kinoteatrlary görkezmek bolar. Iki aýnasy hem çal reňkde görünýän aýnalardan ybarat.





4) XPand 3D äýnekler:


LCD ekranly bu äýnekleriň aýnalary sekuntda gezekli gezegine 120 gezek öçüp ýanýar we şol wagt 2 aýry göz üçin şekil ýasaýar. Beýleki äýnekler ýaly 2 göz üçin bir ekrandan gelen şekilli tehnikany ulanman, yzly-yzyna iberilýän kodlanan şekiller bilen işleýär. Ulanyjylaryň köpüsi, gözi we beýini ýadadýandygyndan nägile bolýar.



* Indiki mowzugym 3D wideolar barada 🙂

Öň 3D wideo/kino/surat görüpmidiňiz?

Hawa(73%, 17 adam)

Ýok(26%, 6 adam)