80-den soňky doglanlaryň garrap ugrandyklaryny görkezýän häsiýetler:

80'den soňky
doglanlaryň garrap ugrandyklaryny görkezýän häsiýetler:

1. Sms ýazmaga ýaltanýansyňyz, gowsy jaň edip, näme gürleşjek bolsaň çaltrak gürleşeniň gowy. Käwagt bolsa jaň gelse, seredip, telefonyň sesini öçürersiňiz.

2. Söýgi ýaly zatlar barada pikirlere, oý-hyýallara batyp oturmarsyňyz, beýle ownuk-uşak zatlar eýýäm size görä däl diýip pikir edýäňiz.

3. Köplenç wagtyňyzy ýeke geçirmegi gowy görersiňiz, ýöne ýetginjekler ýaly “men ýeke, ýalňyz” dp özüňize nebsiňiz awaman, gaýtam lezzet alýaňyz, internede girersiňiz, aýdymjyk diňlärsiňiz, garaz,
göwnüňiz hoşdur.

4. Öňler diňe konsert we ýaşlar baradaky peredaçalary gowy görýän we sypdyrmaýan bolsaňyz, indi habarlary, hukuk baradaky gepleşikleri ýa-da dokumentalniý filmleri gowy görýäňiz.

5. Öňler kinoteatra, romantik, ýakymly diýip gidýän bolsaňyz, indi gowy görýän rejissyorlaryňyzyň düşüreni üçin ýa halaýan aktyor/aktrisalaryňyz oýnaýany üçin gidýäňiz.

6. Käwagtjyk çuňňur manyly blog ýazan bolarsyňyz, belki suratjyklar bilen baglanyşdyryp, beýlekilerem şeýle ýazgylar ýazaýsa diýersiňiz, anedotly, gülkünç suratly we fludly temalara kän girmersiňiz.

7. Käwagtjyklar hiňlenen bolarsyňyz, ýöne oň näme aýdymdygyny häzirki Justin diňläp yörenler bilmez, sebäbi olar dogulmanka ýa-da çörege “çöçje” diýýaka dörän aýdymlardyr, ýöne siziň üçin olar modadan gaçýan däldir.

8. Krowadyň başujynda 2-3 kitap, bolmanda birje kitap bardyr, belki sen bir gezegem ahyryna çenli okan dälsiň, ýöne gürrüňsiz gowy kitapdyr we käwagtjyk ýatmankaň açyp okarsyň we uklap galarsyň. Indiki gezek açyp okanda-da, nirede galanyňy bilmän, öňki okan ýeriňden 3-4 sahypany ýene okarsyň. Okap bolýançaň, başujuňdan aýrylmaz şo kitaplar.

9. Irden hiç zat iýmezligiň oýunjak zat däldigini duýup başlarsyň we irden näme-de bolsa, bolmanda bir döwüm çörek hem bolsa, iýmän çykmarsyň.

10.  Yaşyňy hemişe 25 töwerekleridir öýderler.

11.  Nämä näçe pul sowanyňy belläp goýýan bloknotjygyň bardyr, indi öňküler ýaly “nirä sowdum munça puly?” diýen soraglar azalýandyr.

12.  Diňe dynç günleri aňry-bäri almaga çykarsyň, özem her çykanda 1 hepdelik, hatda 2 hepde, 1 aýa golaýlyk ulanjak zatlaryňy alarsyň, we şolar gutarýança, zat satylýan ýerlere aňsat barmarsyň.

13.  Öňler komnatda zatlaň çaşyp ýatýan bolsa, indi kän çaşyrmajak bolarsyň. Çaşyp ýatan zat seni biynjalyk eder, baryp ýygnaşdyrarsyň, ýüzleýräk hem bolsa.

14.  Öňler öýe jaň edip gürleşeniňde, ejeň-kakaň “saglygyňa gowja seret, keselleme, galyňrak geýin” diýip sargaýan bolsa, indi sen olara şeý diýýändirsiň.

15.  Suwy we togy zaýalaman, tygşytly ulanjak bolarsyň.  

16.  Indi öňküler ýaly kän eşik satyn almarsyň, köpem däldir, ýöne hemmesi arassaja, salyhatly we özüňe gelişýän eşiklerdir.

17.  Çagalyk dostuňyzy göreniňizde, “çagalyk ýyllarymyz nähili gowudy” diýip pikir edersiňiz.

18.  Köplenç yzarlaýan blog ýa forum sahypalaryň bardyr.

19.  Käwagt, gündizine perdani yapyp, otagy garankyradyp, diňe stol lampasyny yakyp goýmak siziň üçin ýakymlydyr. 

 20.  Kofe ýa çaý içmek üçin suw goýup, gaýnansoň demlemäge ýaltanyp ýa ýatdan çykaryp, soň turanyňyzda eýýäm sowan suwly suw gaýnadýanyň duwmesini täzeden basarsyňyz, ýöne bu gezegem kofe ýa çaý demlenip içjegiňiz gümana.

Ylalaşýaňyz?

Hawa(68%, 22 adam)

Ýok(15%, 5 adam)

Güm et, men ýaş(15%, 5 adam)