Diriligime gynandym.
Blogyň adyny okap, kelläňize herhili pikirler hem gelip geçendir. Ýöne menä diri, şoňada gynanýan.
Ýekeje sebäp hem ölendigim. Meni maşyn kakýar, şol ýerde ölýän. Bar hezillik hem men ölenimden soň başlaýan ekeni. Hiçbir adam meni görenok, emma men olary görýän, geplerini eşidýän, pikirlerini okaýan, ýanlarynda otyrýan, olar söýüşýär men syn edýän, ýöne hiçisi meni görenok. Günde bir dostymy saýlap, uzynly gün şoň ýanynda gezýän, nämeler edýänini görýän, öz içimden pikir edýän, gynanýan we begenýän.
Aşgabadyň ýollaryndan ýöräp ýörn, şeýle bir adam kän. Muňça adamy jygyllykda hem görmändim. Ýöne haýsynyň diri we haýsynyň meň ýaly ölidigini bilip bolmaýar. Hemmesi meniň gözümde deňdi, men hem olaryň gözünde. Diňe diri adamlar biz barada hiçzat bilenokdylar… Ölümden gorkýadylar, "o dünýä" diýýädiler, men bolsa şu dünýä "o dünýä" diýip ugrapdym.
3 güne golaý gezdim, hiç ýerik howlugamokdym, indi men ömürlik şeýle galaryn diýip begenýädim, öz-özüme "ölüm gowy ekeni" diýip köp gaýtaladym. Hiç ajygamokdym, arkaýyn gezýädim, hiç ýerim agyranokdy, arkaýyndym, hiç aladam ýokdy, hiç barmaly ýerim ýokdy, diňeje syn edip ýaşaýadym…
Ýöne gynansak hem, şol wagt birden oýandym. Ýerimde ýatyryn. Döşümde pişik ýatyr. Şol wagt düýşdigini görip hakykatdan hem gynandym. Şu güne tabşyrmaly işlerimiň bardygy, dostymyň gulluga gidýäni üçin ugratmalydygy, 3G nomere gidip pul salyp gaýtmalydygy, magazinden birzatlar alyp nahar bişirmelidi, täze saýdyň dizaýnny pikir etmelidigi, mamamy sorap gaýtmalydygy, Maýsa jaň etmelidigim we ýene-de birtopar işlerim hem üstüme basypdy…
Turup, "ölüm hakykatdan hem şeýle hezil bolsady" diýip özümçe umyt etdim. Belki o dünýe meň düýşümdäkiden hem hezildir. Belki men eden etmişlerime jogap berilýän edara ýetmän, diňeje hezillik ýerlerini görendirin. Belki ondan soň häzirki dünýäme şükür ederin, belki ondan gowy ýerleri görerin. Garaz näme bolsada, ölümiň başjagazy hezil ekeni 🙂
Beýle düýş görmegime näme sebäp boldy, hiç düşünmedim. Belki ölüm hakynda arkaýyn gepleýändigimdendir. Ölümi hiçzatça saýýandygymdyr, belki Pikirlerde "Ezraýyl gelse 1 minut durman ýör diýerdim" diýip 3-4 gezek ýazanlygymdyr, belki tanyşlaryň köpüsinden "ölsem gynanarsyňmy?" diýip soraýandygymdandyr, belki bu dünýeden gidenleri az ýatlaýandygymdandyr, belkide kakasy aýrylan dostymyň düýnjik "gowy adamlar täzeden direlsedi" diýip gynanýandygyndandyr…
Состояние архива
● Полный текст
● Сохранено комментариев: 67/67
Опубликовано на сайте: teswirler.com · Источник: копия Web Archive — ertir.com, 2 августа 2012 · Открыть оригинал ↗
Комментарии 67
shol dostyn sen dogalarna, sadakana matac bolup biler. In yakyn adamlarnyn biri bolsan. Senden bir zatlara matac bolup gorunip biler. Goren mahalyn doga edip shon adyndan sadaka paylap bilsen, on ruhy senden kop razy bolardy.
Hokmany boyun almaly zat bu sen oz goren duyshlerin bilen kellandakileri yazga gecirmekde ussatlyk edipsin. Ceperleshdirishine, yzygiderligine yokary baha berdim okyjy hokmunde. Gaty gyzykly bolupdyr. Duyshin uytgeshikligim ayratyn owushgin berdi.
Indi duysh meselesine gelsek yokarda Balamut agzan we Rainman agan aydyshlary yaly adatca duysh bizin gunlik beynimize salyan infolarymyzdan ybarat bolyar. Yagny, beynin ozbolushly ishlerinden sonra onyan zat. Duyshler yorular emma hemmesi dal. Seninki yorylarmy? Ony dine ozun bilip bilersin. Duyshi ne iz cego ne iz togo geldi hasaplasan belkide yorular.
Üýtgeşik düýş görüpsiňiz.Düýşde ölmek - uzak ýaşajaklygyňyzyň alamaty bolup biler.Bu barada köp eşdipdim.
Ezraýyl aýagymdan çekip alyp gidýänçä ýaşajak, şu günden başlap.
Durmuşdaky eden-etdiligine görä bolar olam ))) manyly bir ömür ýaşasaň BAŞYNA TÄÇ EDER, ýok şalalaý-balalaý bolsaň aýdyşyň ýaly aýagyňdan süräýmegi ahmal )))
bärde aýagymdan çekip manysy, gidesi gelmezlik.
ol wagt nädip äkidende-de köp rol oýnanok, barybir äkidýär. Äkidýän ýerine arassaja barsaň bolar 🙂
bizä möwlidimiziň dolaryna garaşyp ýörs diýämi türkmen agalary 🙂 sen näme ol dünýede internet bolmaz öýdüp gorkýamyň, beýle gidesiň gelmez ýaly 🙂