Bir sagat (hekaya )

Öýne geleninde, gapyda alty ýaşlyja ogly kakasyna ýüzlendi:
-Kaka, bir sagatda näçe manat gazanýaň?
Kakasy:
-Ol seniň işiň däl! – diýip, otagyna girdi.
Oglanjyk:
-Kaka jan! Haýyş edýän, aýdaý – diýip bir diýenini tutdy. Ol:
-Beýle bilesiň gelýän bolsa belle. Men bir sagada 20 manat gazanýan – diýdi
-Hä, belledim. Onda maňa 10 manat karz beräýdä?!
-Seniň oýunjaklaryň üçin ýa-da şoňa meňzeş zatlaryň üçin mende artykmaç pul ýok. Bar, otagyňa gir-de oýnuň bilen bol!
Oglanjyk sesini çykarman otagyna girip, gapyny ýapdy. Az salym geçen soň, az-kem köşeşen kakasy oglunyň otagyna bardy. Keýpsiz ýatan oglundan:
-Ukladyňmy? – diýip sorady.
-Ýok.
-Ýaňy göwnüňe degäýdim öýdýän. Işden ýadap gelipdim. Geregiň pul bolsun. Me, 10manat.
-Sag bol, kaka jan!
Oglanjyk begenjinden bökjekledi. Soň ýassygynyň aşagyndan beýleki pullaryny hem çykaryp, hemmesini goşup kakasyna uzatdy-da:
-Ynha 20 manat. Indi sen bir sagadyňy maňa aýyraý-da, kaka!.. – diýdi. 🙂