Öýke

Gyzlar hakda goşgy ýazýaň
Men gaty görýän ezizim
Ýanyňda bolsam-da mydam,
Sen köşeşeňok henizem.

Goşgy ýazyp bolar ahyr,
Çöller hakda, güller hakda
Seniň bolsa bar belläniň,
Başy boşlar – dullar hakda

Derdiňden gezmezmi gyzlar?
Gelinlerde aryň barmy?
Ýa-da seniň menden başga
Özge ýerde ýaryň barmy?!

Köýen söýgiň hakda ýazyp,
Ýene galýaň derde oglan
Gyşyň güni daşda ýatmak
Kyndyr özä, gör-dä oglan!