Ruh (jyn) çagyrma barada...

bu zatlar barada aslynda kan oyun etmesek ve bu zatlary gerchege ovursek

Simona:
jyn arwahlar bardygyna bardyram weli ony goren adam yok.shu dowurde kabirlerimiz hem jyn arwaha menzep baryas. 🙂

Jyny hut oz gozum bilen gordum,yone bashga adamyn  shekilinde 🙂

Ruh

«Ruh» sözi arapçadaky «rawh» we «riýh»
sözünden gelip çykýar. Rawh – rahmet, riýh  – şemal
manysyny berýär. Ruh sözüniň bolsa, ençeme manysy bardyr.
Olaryň käbiri şular:
 
a) Wahý
«Allah
emrinden bolan ruhy ol beýik günüň howpundan gorkuzmak
üçin, gullaryndan islänine inderer», (Mü’min,
15). Başga bir aýatda: «Melekleri
gullaryndan islänine emrinden bolan ruh bilen inderer»,
(Nahl, 2).
 
Ibni Abbasyň aýtmagyna görä, bu
aýatlarda geçýän «ruh» wahý manysyny berýär. Wahý – ruhdur,
diriligiň we durmuşyň özüdir. Ynsan hakyky dirilige şonuň
bilen ýetýär. Wahýdan mahrum halklar ruhsuz jeset ýalydyr.
Şonuň üçin Kurany Kerimde:
«Eý, iman
edenler! Dirilige ýetmegiňiz üçin Allahyň we Resulynyň
çagyryşyna tabyn boluň», (Enfal, 24) diýilýär.
 
b) Nübüwwet
Ýokarda aýdylan aýatlardaky «ruhuň»
nübüwwet manysynyň hem bardygyny aýdanlar bolupdyr.
Aslynda nübüwwet bilen wahý biri-biri bilen berk
baglanyşyklydyr.
 
w) Kuran
Ruha – Kuran manysyny berýänler hem
bar. Çünki, ol ähli adamzadyň diriliginiň gözbaşydyr.
 
g) Söýünç we begenç
Ruhy ukyplaryň ösüp kämilleşen we
ruhuň häkim bolan ýerinde hemişe söýünç we begenç bardyr.
Bu nukdaýnazardan, ruha bu many hem berlipdir.
 
d) Jibril
Kurany Kerimiň käbir aýatlarynda «er-Ruh»
Jibril manysynda ulanylýar. «Biz
ony Ruhul Kudus bilen goldadyk», (Bakara, 87).
Bu aýatdaky Ruhul Kudusyň Jibrildigi jedelsizdir.
 
e) Ruh
Ynsan, jyn, melek ýaly Allah
Tagalanyň ýaradan barlyklarynyň biri hem Ruhdur. Ibni
Abbas: «Ruh asmanyň ýedinji gatyndaky bir melekdir. Onuň
ýüzi ynsanyň ýüzüne meňzär, ýöne bedeni melegiň bedenidir»
diýipdir, (Ibni Kesiriň tefsirinden).
 
j) Mesih
«Ruh» diýmek bilen käbir aýatlarda
hezreti Isa göz öňünde tutulypdyr:
«Allahdan bir ruh», (Nisa,
171) aýatyndaky «ruh» sözi hezreti Isa manysyny göterýär.

z) Nefis, jan
«Ruh» diýlende, akyla ilki gelýän
many bedene jan berýän, ony dirilige ýetirýän güýçdür.

Ruh
emr älemindendir

Kurany Kerimde:
«Eý, Habybym,
senden ruhuň nämedigini soraýarlar. Aýt: Ruh Rabbimiň
emrindendir. Bu babatda juda az maglumat berlendir»,
(Isra, 85) diýilýär.
 
Ruh – gudrat, irade, kydem ýaly
sypatlardan däl-de, gönüden-göni Allah Tagalanyň öz
zatyndan gelýär we Onuň rububiýetine daýanýar.
 
Ol emr älemindendir. Akaýyd alymlary
bu hakykaty şeýle düşündirýär: «Ruh – diri, aňly, nurdan,
maddy bedeni bolmadyk, jemleýji, hakykatdar, bütewilik
döretmäge ukyply, emr älemine degişli bir kanundyr». Ruhuň
özüne mahsus nurdan bir bedeni bardyr. Muňa «mysaly beden»
diýilýär.
 
Ruh ýönekeýdir. Maddadan jemlenen
däldir. Ol ionlaşmaýar, bölünmeýär, dargamaýar. Ruhuň
düzümine düşünip bolmaýandygy üçin, ony suratlandyrmak
mümkin däldir. Şol sebäpden käbirleri ony inkär edýär,
käbirleri bolsa, ony madda görnüşinde suratlandyrýarlar.

Älemi emr – maddy ölçeglere girmeýän,
has zyýada kanunlardan ybarat bolan älemdir. Biz onuň diňe
ýaradylan maddy äleme degişli bolan funksiýalaryny
görýäris. Olaryň üsti bilen emr älemine düşünmäge
çalyşýarys. Meselem: tohumlaryň gögermegi göni emr älemi
bilen baglanyşyklydyr. Tohumlar nümüw (niş urmak, ösüş)
kanuny sebäpli gögerýär. Biz muny ne görüp, ne eşidip, ne-de
el bilen tutup bilýäris. Älemdäki ähli kanunlar hem
şeýledir. Ruh hem bir kanundyr. Ýöne ol älemdäki adaty
kanunlar ýaly däldir. Onuň aňy bardyr. Allah ruhy «Kün»
emrine degişli älemden iberendir.
 
Netijede, ruh baradaky aýdylan
pikirleriň iň dogruragy onuň anyk belli däldigidini
tassyklaýan pikirdir. Muňa arapça mübhem (gümürtik)
diýilýär. Ýokarda agzap geçen Isra suresiniň 85-nji
aýatynda hem bu barada açyk aýdylýar. Ýagny, ruh Allah
Tagalanyň emrleriniň iň ulusydyr. Ruhuň doly
düşündirilmänliginiň sebäbi özünde bardygyny bilip
dursa-da ony düşündirip bilmeýänligi  ynsanyň ylmynyň
ejizliginiň subutnamasydyr. Mundan gelip çykýan netije, öz
bedenindäki ruhy bilmekden ejiz gelýän ynsana öz Halygynyň
Zatyny bilmekden has ejizdigini bildirmek üçindir, (Kurtubi,
«el-Jami’ liahkämil-Kuran»).

Ruhuň
barlygynyň delilleri

Kirlian we ruh fotosuratçylygy,
radiostezi, psihokinezi ylymlary bilen meşgullanýanlaryň
geçiren eksperimentleriniň netijesinde, ruhuň barlygyny
subut edýärler. Ruhuň özüne mahsus bedeni bardyr. Yslam
alymlary oňa mysaly beden, gylafy nurany, latyfeýi seýýale,
esiri beden diýipdirler. Häzirki döwrüň ylmy bolsa duble,
perisperi, fantom, astral beden, energiýa beden diýip at
berýärler. Deduble mekan we zaman bilen çäklendirilen
däldir. Çünki, ol nurany bir barlykdyr. Onuň töwereginde
«aura» diýilýän şöhleli halka bardyr. Deduble bir ýerden
bir ýere gidende, päsgelçiligi we uzaklygy bilmeýär. Ony
diňe ruhy taýdan kämil ynsan görüp biler. Ruhuň bu
aýratynlyklaryny şeýle suratlandyrmak mümkin:
 
a) Ruhy degažman ýa-da imtisal
Ruhumyzyň mysaly bedeni bolan deduble
zerurlyk ýagdaýynda bedenimizden aýrylyp uzaklaşyp biler.
Muňa infisal ýa-da ruhy degažman diýilýär. Ruhuň yza
gaýdyp beden bilen täzeden birleşmegine bolsa, ruhy
imtisal diýilýär. Bu ýagdaý ruhy taýdan kämilleşen
adamlarda ýygy-ýygydan bolup biler. Halk arasynda halatly
diýilýän ähliullahdan bolan abdallar bu ýagdaýy hemişe
başdan geçirip biler. Muňa ençeme mysal getirmek mümkindir.
Bulardan käbirleri hem zyndanda oturyp, hem-de daşyna
çykyp zerur işini ýerine ýetiripdir, käbirleri haja
gitmeseler-de, haj zyýaratynda görlüpdir, käbirleri şol
bir wagtda birnäçe ýerde görlüpdir.
 
b) Hissi kablel wukug (telepatiýa,
telestezi)
Bu ýakyn ýa-da uzak geljekde boljak
wakalary öňünden duýmakdyr. Munuň bilen baglanyşykly 
ençeme mysallary getirmek mümkin. Meselem: Fatyma enemiz
Pygamberimiz dünýäden ötenden soň, bu aýraçylyga döz gelip
bilmän keselleýär. Bary-ýogy alty aý ýaşaýar. Soňky iki
aýyny düşekde geçirýär. Onuň soňky güni barada şeýle
gürrüň berýärler:
«Şol gün
onuň gözleri öňküsinden hem has ýiti lowurdaýardy, şatlygy
ýüzünden okalýardy. Özem: «Indi men turmaryn. Maňa gusul
aldyryň» diýdi. Biz aýdyşy ýaly etdik. Soňra ol: «Men şu
gün söýgüli kakama gowşaryn. Indi azara galyp, ikinji
gezek ýuwmaň» diýdi. Aradan sähel salym geçensoň, bu
nurana aýal dünýäden ötdi», (Ibni Hajer, «el-Isabe»).

w) Psihokinezi
Bu zehiniň gönüden-göni madda
täsirini ýetirmegi diýmekdir. Magnetizm, gipnoz ýaly
usullar bilen bejermek, gözdegmek, gözbagçylyk, jadygöýlik,
täsir etmek ýaly wakalar, ýoga, fakirizm, ruh çagyrmak
ýaly zatlaryň hemmesi psihokinezi bilen baglanyşyklydyr.
Şeýle hem, ruhlaryň, jynlaryň ýa-da şeýtanlaryň adama
edýän täsirlerini ýa-da etdirýän işlerini şu tema bilen
baglanyşdyrmak bolar. Ýöne biziň bu taýda psihokinezi
düýpli düşündirmäge mümkinçiligimiz ýok. Bu mesele bilen
içgin gyzyklanýanlara olara degişli kitaplary okamagy
maslahat berýäris.
 
Ruh çagyrmak bilen baglanyşykly bir
zady bellemek isleýäris.
Beýik we tämiz ruhlar  ynsan üçin
goragçylyk wezipesini edýär. Bular meleklerdir. Hapysa we
erbet ruhlar bolsa, ynsana zyýan bermek üçin elden
gelenini gaýgyrmaýar. Bular käfir jynlar we şeýtandyr. Ruh
çagyrmak seanslarynda gelýän ruhlar hapysa ruhlardyr.
Çünki, olar ynsanyň ganym duşmanlarydyr. Ähli
erbetlikleriň gözbaşynda şolar bardyr. Erbet ruhlar
erk-irade we ruh taýyndan ejiz adamlary täsir astyna alyp,
olary ulanýarlar. Olaryň eline düşen bu biçäre adamlara
medisina-da: paranoik, şizofrenik diýen ýaly dürli atlar
berilýär. Şeýle keselliler köplenç doga  bilen gowulaşýar.
Bularyň mysaly kändir. Şuny berk bilmelidiris. Dün’eden
ötenleriň ruhlary berzah äleminde bolanlary üçin islendik
wagt şu äleme gelip bilmeýär. Olar diňe Allahyň rugsady
bilen gelip bilýär. Allah bolsa diňe arassa we tämiz
ruhlara rugsat eder.Şonuň üçin beýik we tämiz ruhlar ruh
çagyrmak seanslaryndaky çagyryşa gelmeýär.
 
Düýş
Düýş hem ruha degişli aýratynlyk
bolandygy üçin telestezi ylmyna degişlidir. Bu jähtden
düýş –  metafizika we oňa degişli barlyklara delildir.
Düýş hakykat älemine açylan bir penjiredir, bolan we
boljak hadysalary bolşy ýaly, ýa-da käbir simwollar arkaly
görülmegidir. Oraşan görülýän ençeme düýşler bar. Olary
bir ýere jemlesek, uly bir kitap emele geler.
 
 Düýşler bize mysal älemine degişli
maglumat berşi ýaly, şol bir wagtda melekleriň,
ruhanylaryň, ýagşy amallaryň we ýagşy hereketleriň
temessüli barada hem maglumat berýär.

Ruhy
kämilleşdirmek

Ruhy ösdürmegiň, kämilleşdirmegiň
özboluşly usullary bardyr. Olary berjaý eden her bir şahs,
öz ýagdaýyna görä, belli mertebeleri gazanyp biler. Isle
ýogada, isle fakirçilikde, isle sopuçylykda ruhy
kämilleşdirmek usullarynyň hemmesini bir sistema salmak
mümkindir. Alymlar muny şeýle düşündirýär: az iýmek, az
uklamak, az gürlemek, hemişe asuda halda ünsüňi
belentliklere gönükdirmek, adamlardan uzakda ýaşamak,
hemişe Allahy ýatlamak bilen ruhy kämilleşdirmek bolýar.
Dinimizde muňa riýazat diýilýär. Ýöne riýazat hökman bir
mürşit we ussadyň ýolbaşçylygynda edilmelidir. Ýogsa,
erbet hallara uçramak mümkindir. Sebäbi käbir habis ruhlar,
jynlar, şeýtanlar riýazat bilen meşgullanýany öz raýatyna
aljak bolar. Bu ýagdaý kä wagt gorkuzmak, ýa-da
höweslendirmek arkaly amala aşyp biler. Käbir adamyň
özüniň Mätidigini ýa-da Mesihdigini aýtmagy muňa mysaldyr.

Ruhy kämillige ýeten ýoga, fakir
ýa-da sopular adaty adamyň akylyny haýran galdyrjak işleri
edip bilerler. Hatda Allahyň rugsady bilen aslynda gaýyp
bolmadyk, ýöne bize gaýyp bolan älemden hem habar berip
bilerler. Bular ynsan ruhunyň we latyfeleriň öňündäki
päsgelçilikleriň, perdeleriň syrylmagy bilen
baglanyşyklydyr.  Ýöne esasy mesele: Allahy tanamak,
hezreti Muhammedi bilmek, Allahyň ryzasyna ýetmekdir.

gülün birneme 😆

😆

Arlaneo ing son ynanangok chagyrdyp goraymeli ekeninda, gorkyanmy ya birden hakykat bolup gitmez oydup 😆

ruh chagyranlaryna shayat bolupdym 1 sapar. o mahallar ynanyadym. indi bolsa jyndygyna dushundim shol zatlaryn. owrenesi gelyan bar bolsa owredip bilerin. 

Stolyn üstünde nadip çagyryalar pryomlary nahili olary bilemok..yöne jyn çagyrma diyilyan zat bar....sen ynansanam ynanmasanam ..

ay musulman bolsana Inanmali sen. okar yali zat diysen sholari goray:Varligin metafizik Boyutu-M.Gulen  yada Cinlerin Esrari-Imami Shibli yada lyuboy shoda temada guvenilir bir avtorin kitabini alay, Imama Gazali.....