Mynajat

Kalbym gyýýar ýürek derim,
Ýaşma, Güneş,
ýaşma, Güneş!
Oý-pikirim saňa berdim,
Ýaşma, Güneş,
ýaşma, Güneş!

Hernäçe bolsam-da merdem,
Ürkek boldum gijelerden,
Ejizledim tijenerden,
Ýaşma, Güneş,
ýaşma, Güneş!

Haýp, gijeler, şöwürdeşim,
Göwün etme, göwündeşim!
Bolup meniň ömürdeşim,
Ýaşma, Güneş,
ýaşma, Güneş!

Sowulynça başdan duman,
Kalba salyp ýüz müň güman,
Seret, kalbym gözün ýuman,
Ýaşma, Güneş,
ýaşma, Güneş!

Gelenok, teý, uky ýetip,
Kesel tapmyş ruhyýetim,
Arzuwlarmy goýup ýetim,
Ýaşma, Güneş,
ýaşma, Güneş!

Otuz ikiň serhedinde,
Il derdi bar gerdenimde,
Müň arzuw bar her demimde,
Ýaşma, Güneş,
ýaşma, Güneş!

Berip ýersiz ynjyň merkin,
Göwün guşum uçsun erkin!
Gaýdyp berip öňki erkim,
Dogaý, Güneş,
dogaý, Güneş!

22.05.2017ý. 19:17

Akmyrat JUMAÝEW