Kärdeşim Arzygüle

Çekilmesin dolup duran ýaňaklaň,
Gara ýaş dolmasyn mawy gözüňe.
Keşdäňe güýmenip pikire batýaň,
Hamana, sygaňok ýeriň ýüzüne.

Bir hili bolaýdyň guda bolunyp,
Gidesiň gelenok, terk edip öýi.
- Gaýgy edýäň - ejeme kim sereder,
Gelinler sereder, düz bolsa küýi.

Durmuş gowy bolar, gowluga ýorsaň,
Hemişeki arzuwlarňy öçürme.
Hoşal bolsun seni alan hojalyk,
Sen özüňden olaň göwnün geçirme.

Durmuş gurmak - täze ömre başlamak,
Baky bagt dileýän men saňa-da.
Ataň öýüň bir alajy tapylar,
Ýanyň bilen alyp gitme alada.

Çünki seni uýam ýaly eý görýän,
Arzygülim, bolawergin arzyly.
Monça bol wagtynda maşgala bolsaň,
Nebir gyzlar bolup galdy ,,garrygyz".

29.09.16. Ýazmyrat Çörli