Jahyl oglanlar, jalay oglanlar ;)

Owadan gyzlaryň bir garaýşyna,
Ýüpsiz daňylmaga golaý oglanlar.
Söýgiň derdin satyn alyp başyna,
Perwanaň ykbalyn alan oglanlar.

Kalplarynda joşgun urýan ýaşlykdyr,
Wah, ol joşgun käte çenden aşyp dur.
Owadan gyz görse bary aşykdyr,
Bagyşlaň azajyk “jalaý” oglanlar.

Ýaşlyk yşka ýanmak juda ýakynmy,
Käsi ýeňles, käsi agras, akylly.
Diňe gyzlar hakda gürrüň ýakymly,
Ýary çyn, ýarysy ýalan, oglanlar.

Yňdarmarak, degişgenräk jahyldyr,
Gyzlar hakda goşgy ýazar, şahyrdyr.
Ýary Mežnun, deň ýarysy Tahyrdyr,
Leýli, Zöhre diýip ýanan oglanlar.

Garaýşyňdan aňlamasa özleri,
Aýt, nädersiň bu doňýürek gyzlary?
Diňläp söýgi hakda aýdym-sazlary
Gijeler bagryny dilen oglanlar.

Siziň köňül dünýäňizde güýmenýän,
Goşgym bilen girmeklige synanýan.
Gözüm gidýär hem azajyk gynanýan,
Özün özi oda salan oglanlar.

Toyly Owezin goşgularyny haladynyzmy???

hawa(68%, 13 adam)

yok(0%, 0 adam)

erbet dal(31%, 6 adam)