SÖÝGI (ýa-da däliniñ samramalary) VI

SÖÝGI
(ýa-da däliniñ samramalary)

VI

Diñe yşk öñünde egilýär başlar,
Sebäp, damarda gan at salýar her ýan.
Şeýdip, söýgiñ agyr günleri başlar
Günbe-günden ýakyp-ýandyryp barýan.

Duýgulañ içinde iñ beýgi söýgi,
Muny hiç kim iñkär edip bilenok.
Bir ýürege sygýar müñlerçe duýgy,
Başga bir galyba salyp bolanok.

Erkin sähralarda açylýar güller
Her gül baldagynda bolarmyş tiken.
Tiken batyp ýaralansa göwünler,
Söýgüler ýigrenje öwrülýär eken.

Al asmanda çapyp barýan al aty,
Hernä, onuñ döwülmesin ganaty.