Seniň üçin

Şemal bolup seň
şemiňi öçürip,

Özüm çyra bolup
ýanaýyn saňa.

A sen kitap oka,
hatdyr goşgy ýaz

Men bolsa ýanaryn
ýetýänçäň daňa.

Ynha daňam atar,
senem oýanyp,

Daşaryk bakarsyň,
daň şemalyna.

Päk ýylgyrşyň
bilen mylaýym öwsüp,

Saçyňy dökeýin
nur jemalyňa.

Seniň sowugyňda
üşäýin bile,

Bir damja bolaýyn
ýagýan ýagşyňda.

Sen diňe oňatlyk
getirgin dile

Bereket köpelsin
ýaşan ýaşyňda

Gün dogup
eretsin, seniň ýüzüňden

Saňa ýaraşmaýan
ýagýan garlary.

Bal ýagsyn
sözüňden, nurlar gözüňden,

Duşursyn ol aýra
düşen Ýarlary!