ÝENE BIR ÝAKYMLY HABAR - OWGANYSTANDA YD-niň LIDERLERINIŇ BIRI ÖLDÜRILDI

CNN habarlar agentliginiň Owganystanyň Döwlet howpsuzlyk gullugyna salgylanyp berýän habaryna görä, bu ýurtda geçirilen howa hüjümleriniň netijesinde özüni 'Yslam döwleti' diýip atlandyrýan terrorçylykly toparyň baştutanlarynyň biri - Şahydulla Şahyd öldürildi.

Howpsuzlyk gullugynyň berýän maglumatyna görä, Şahyd YD-niň Owganystanyň günorta etraplaryndaky ýolbaşçysy bolmak bilen, ol 'sebitde uly urşy' meýilleşdirýän eken.

Şahyd uzak wagtyň dowamynda 'Talyban' toparynyň Pakistandaky bölüminiň wekili bolup geldi. Geçen ýylyň oktýabr aýynda ol wagşylykda ýakasyny tanadan radikal topar - 'Yslam döwleti' bilen birleşmegiň tarapdarydygyny aýdyp çykyş edipdi. Ol 'musulmanlary' gapma-garşylygy ýatdan çykarmaga we kapyrlaryň garşysynda birleşmäge çagyrypdy.

Şol wakadan birnäçe hepde geçeninden soňra 'Talyban' terrorçylykly toparynyň Pakistan bölümi ony YD-ny goldaýanlykda aýyplap eýeleýän wezipesinden çetleşdiripdi.

Çeşme: mail.ru

**************************************

Indiki mowzuklara ýazylmak isleseňiz şu ýere basyň.