Büdredim men tekiz ýolda... Kejirje gyz

Köp büdredim tekiz ýolda, Soramaň siz nädipligin. Käte-käte ünjä goýdy, Çöregimiň gädikligem. Egsjek bolup bela-derdi, Ýeňlesligi tutdym nöker. Ähli zadym ýerbe-ýerdi, Ne kör boldym, Boldym ne ker. Edil tasan ajal deýin, Geldi göz-gaşy sürmeli. Teý-ahyr janym almanka, Gaçyp bir ýere sümmeli. Gezjek ýerim saýgarmaly, Ýöne, nädip, näm etmeli. Çöp-çalamdan goranmaly, Äýneklimi, ädiklimi? .......................................... Kejirje gyz Sen her günde towlanjyrap, Maňa goşgy ýazaý diýýäň. Wah, nädeýin men aljyrap, Akyl huşum uçdy eýýäm. Mawy gözleň göýä Asman, Mahmal sesiň jadyly gyz. Gün nuryna çalym edýär, Ýüzüň Gün deý sarylygy. Sen goşgudan eýjejik sen, Goşgym görküňi gaçyrar. Durma başym aýlaýyp sen, Gorkýan, ýüregim açylar. Bagt agtaryp gözlemegin, Hut şol bagtyň özi-dä sen. Eger bar zat bolýan bolsa, Sypdyrmazdym özüm-ä meň. Saňa has-da gelşik berýär, Özboluşly kejirligiň. Ýeňersiň sen ählisini, Durmuşdaky ejirleriň. Sen deý gözel gül görklüni, Men söýgä göremok rowa. Gorkýan ajy aýralykdan, Dolar diýp gözýaşa owaň. ...