Ýaz gelip ýaýlany düşendi güller...

Ýaz gelip ýaýlany düşendi güller Tämizlik sährany edindi çelgi. Galyp barýan ýaly agyzdan-dilden Meň şeýlebir aýdym aýdasym geldi. Ho-ol beýik daglaryň çykyp gerşine, Synlap dünýäň öz ugruna akyşyn. Şatlyk paýlap gaýalaryň hersine, Geldi meniň şaglawuk deý akasym. Soňra ummanlary küýsedi kalbym (Düşünmek kyn gursagyňda baryňa) Günleň tüweleýne ýüregim ýolnup, Mündüm onsoň gara gazmaň taryna. Adam aýdym aýdar şat bolan çagy, Aýdym aýdar gam köňlüni dalasa. Asuda kenarda saklap salymy, Geldi mydam juwanlykda galasym. Hem çykasym geldi däli düzlere, Bolup dünýäň hak aşygy-Mejnuny. Men öz şatlygymy düýnden gözledim, Öwezine hasrat aldym mejbury. Döwedimi dutar edip yrandym, Giň meýdanda sopbaş galan agaç deý. Munda diňe duýgulara ynandym, Indi olardanam göwnüm sowaşdy. Şonda-da olardan el üzüp bilmen, Duýgym-meň özümi unudyp bilmäm. Ýaz gelip al-elwan öwsende dünýä, Meň şeýlebir aýdym aýdasym gelýär. ...