Deñiz rowaýaty.

Deñiz ashyk eken suw perisine,
Onuñ tylla zülplerini sypalap,
Köýer eken,çeker eken näzini,
Söýer eken ak bedeni apalap.

Suw perisi onuñ sowuk goýnunda
Ýatar eken süzüp ýakut gözlerin.
Otly nazar bilen birek-birege
Sözsüz aýdar eken aýtjak sözlerin.

Deñiz atly bu ullakan pyýada
Giñ ekeni hemem parahat eken.
Suw gyzy söýenip oñ söýgüsine,
Ýatsa,onuñ goýny rahat eken.

Lagly-jöwahyry,gymmat merjeni...
Gyzyñkymysh ähli baýlygy deñziñ.
Ullakan balyklar hyzmatkärimish,
Gyzyñkymysh tylla balygy deñziñ.

Günleriñ bir güni,ýatyrka deñiz,
Suw gyzy sogrulyp onuñ goýnundan,
Öz keýpine ýüzüp gidenmish.Birden
Bir zat asylypdyr onuñ boýnundan.

Suw perisi gözün açyp garasa,
Ýatyrmyshyn bir ýigidiñ golunda.
"Ey,adamzat,meni goýber-diýenmish-
Ýataýyn men öz söýgimiñ goýnunda".

Gara göz,gara gash,syrdam goç ýigit
Sypalap periniñ solgun meñzini,
Diýenmishin:"Hak ashygyñ men seniñ!"
Gaýtaryp bermändir gyza deñzini.

Hopugyp,dem alyp sergin howadan,
Gyz aýñalyp,ýigide ashyk bolupdyr...
Uklap ýatan deñziñ süýji ukusyn
Gökden inen bir ýowuz düýsh bozupdyr.

Oýansa,ýokmushyn gujagynda gyz,
Deñziñ öñki rahatlygy ýitenmish.
Ägirt uly gomlaryna atlanyp,
Söýgüsiniñ gözlegine gidenmish.

Ylgap gelýän deñzi saklapdyr kenar,
Deñiz bolsa bat alypdyr,müñzäpdir.
Bolmandan soñ gygyrypdyr gök deñiz,
Shonda sesi dat-perýada meñzäpdir.

Aglapdyr,ýyglapdyr alaçsyz ashyk.
Shol gözýashdan onuñ labzy ajapdyr.
Perýat edip,aglap,kenara urlup,
Däli deñiz üç günden soñ ýadapdyr.

Kösheshipdir däli deñziñ gahary,
Düshüshipdir diwana öz deminden.
Her gezek söýgüsi ýada düshende,
Laýyk üç gün çaýkanýarmysh deñizler.

Çaýkanan mahaly,adam balasyn
Ýuwdarmyshyn söýgüsiniñ deregne.
Eshidende adamzadyñ nalasy,
Basalyk bolarmysh gamgyn ýüregne.

Suw perisi bolsa ýigdiñ goýnunda
Onuñ gyzgyn posasyndan eränmish.
Bu rowaýat mawy deñziñ boýunda
Hakykatyñ hut özünden döränmish.