Gurbannazar Ezizowyň 75 ýyllygyna

Şu ýylyň 1-nji martynda Gurbannazar Ezizowyň dünýä inenine 75 ýyl, 29-njy sentýabrynda bolsa dünýäden ötenine 40 ýyl bolýar.
Gurbannazar şahyryň doglan gününe bagyşlap bir goşgy ýazdym. Onam ilki siziň bilen paýlaşaýyn diýdim.

BU GÜN 1-NJI MART!

G. Ezizowyň 75 ýyllygyna.

Baglaryň daranşy başga,
Asmana garanşy başga,
Bu gün.

Damjalaň paýraýşy başga,
Guşlaryň saýraýşy başga,
Bu gün.

Düzleriň beslenşi başga,
Durnalaň seslenşi başga,
Bu gün.

Daglaryň dumany başga,
Kalbymyň gubary başga,
Bu gün.

Bulutlaň agnaýşy başga,
Bir enäň aglaýşy başga,
Bu gün.

Gyşyň bahara dönüşi,
Gijäň sähere dönüşi,
Başga,
Ähli günlerden başga,
Bu gün.