DERWÜŞ AGZAŇ ISLEGI BOÝUNÇA
INE, DOGAN GELEP...
Ine, dogan geler, "Dirimiň?" diýer,
Ynanmaýan ýaly ýaşap ýörenme.
Men "Şükür" diýerin, begenerin-de,
Bu gün ýene aman-esen örenme.
Ol papagny bir gapdala taşlar-da,
Soňsuz nesihata başlar ýene-de.
Biz ikimiz başga-başga adamlar,
Döresegem bir ata, bir eneden.
"Şahyrlykdan çörek iýmek kyn düşer,
Yhlasyňy siňdir ýeňilräk käre".
Men bolsa diýerin "Ynanaý, agam,
Özümem alaçsyz, tapamok çäre.
Dünýämizde din köp, emma Hudaý bir,
Ol hemişe gorap ýörmez täk meni.
Girdaba gaçsamam, endişä galyp,
Başa çekip ýatma köne çäkmeni.
Men indi çaga däl, şükür, goja däl,
Öz başymy özüm çarajak borun.
Bir aýdymçy kimdigini bildirmez
Içinde bolanda köp sesli horuň!"
Ol gider kalbyma howsala salyp
Hem kisäme salyp bir az-owlak pul.
Men "Sag bol!" diýerin, "Sag bol, jan agam!"
Emma arzuw eden günüm däldi bul.
Ilki arzuwlarym başga-başgady,
Çaga arzuwlarnyň baryp ýatany.
Men öz adym bilen bezemekçidim
Bezege mätäç däl Eziz Watany.
Ähli ejizlere hossar boljakdym,
Naçarlara dogan, ýetime aga.
Emma bolsadydan hasyl önmeýär
Başky arzuwlamam gitdiler dagap.
Ýöne kemelmedi manysy ömrüň,
Kemelmedi durmuşyňam zynady.
Ykbal ähli kişä mahsus zatlarda
Ajy-süýji duýgusynda synady.
Men bütin ömrüme şu güne çenli
Agşam ýatyp, daň atarna howlukdym.
Çünki, bilýärdim men, ine, şu ýerde
Ýürek urup dursa, soňy gowlukdyr.
...Ine, dogan geler: "Dirimiň?" diýer
Ynanmaýan ýaly ýaşap ýörenme.
Men: "Şükür!" diýerin begenerin-de
Bu gün ýene aman-esen örenme...
AWTORY ÇARY ÝEGENMYRADOW.
Состояние архива
● Полный текст
● Сохранено комментариев: 16/16
Опубликовано на сайте: teswirler.com · Источник: копия Web Archive — ertir.com, 8 мая 2012 · Открыть оригинал ↗
Комментарии 16
Gowy goshgy eken.
Çary dostumyz şu goşgyny ýazanyndan soň uzak ýaşamady...
ALLAH Sizden razy bolsun, ''KAB'' dayy!
Chary agamyzyng ruhy shat bolsun! Goshga soz yok. Chary aga yaly owrenilmage mynasyp zehinlerimiz gor nache-ka?!
Bu elbetde BIZING-yagny ''mahrem'' WATANDASHLARYMYZYNg hatasy!
JAYyNG JENNET BOLSUN CHARY AGA!!!
Gowja goshgy
haladym gowy
Betinden gosgy
Birinji gezek okadym. Gaty bet yazylypdyr. Kopya edip alyan...
Gowja goshgy, Chary aga diyyaniniz kimay?
Awtobiografiyasy yokmy Kab aga, gysgaragam bolsa...
tuys yurekden gowy goshgy!!! cunnyr!!!
Gaty gowy goşgy. Minnetdar Kab aga. Çary aga kimkä, tanamadym. Yatan yeri yagty bolsun!
👍👍👍
Betinden hem Gytyndan Goshgy! Kab dost Minnetdar! Gaty gowy yazylypdyr!
Chary aganyn Jayy Jennetden bolsun!
Çary Ýegenmyradow 1966-njy ýylyň 10-njy martynda Ruhabat etrabynyň gum içindäki Diňli obasynda eneden doguldy. Orta mekdebi gutaryp, Türkmen Döwlet uniwersitetiniň türkmen filologiýasy fakultetine okuwa girdi. Uniwersiteti doly tamamlap bilmedi. Soň oba mekdebinde mugallym bolup işledi. Dürli ýyllarda Ýaş kommunist gazetinde, Saglyk žurnalynda we beýleki döwürleýin metbugatda işledi. 1995-nji ýylda Aşgabatdan gitdi we obada mugallym bolup işledi. 2010-njy ýylyň 25-nji ýanwarynda aradan çykdy.
Çary Ýegenmyradowyň aýratyn, özbaşdak neşir edilen goşgular kitaby neşir edilmedi. Şahyr türkmen okyjysyna 50 töwerek goşgyny miras galdyrdy.
örän gowy goşgy!!!!!!!! minnetdar!!!!!!