Hany seniñ jiger derdiñ çekişjek?! :(

Dünýäde nesibäň göterlen güni,
Dost-ýar kän,
hossar kän,
toýuň toýlajak,
Al şerap aýlajak,
al şerap işjek.
Emma gerdenine alyp ýüküňi
Hany seniň jiger derdiň çekişjek?!

*

Mydam depesinde göterip ýörmän,
Günleň biri bulap urýa keçpelek.
Ine şonda paýlaşmaga derdiňi,
Jigerdeş,
bagyrdaş,
ýürekdeş gerek.

*

Gursakdaky derdim geçende çenden
Men daglara gidip derdimi aýtdym.
Daglar meni göterdi al asmana,
Men daglardan, dag deý beýgelip gaýtdym.

*

Ýürekde hesretim edende heläk,
Beýewana baryp aýtdym men derdim.
Hydyr gören çöller ruhym täzeläp
Berdi maňa dünýa ýaly giňligin.

*

Üýşüp-çaşyp toý-meýlisler sowulýar,
Emma derdin ýeke çeken ýagşydyr.
Gussaň bölüşmäge dertdeş bolmasa,
Baş alyp daglara çykan ýagşydyr.

*

Bu dünýäniň güni kändir darydan,
Hoş günüňde tanap bolmaz päk dostuň,
Mydam saňa tanap berer Ýaradan
Agyr günde, dert çekişjek hak dostuň!

S. Türkmenbaşy