Göz öñme gelýä

Eje!
Ejem!
Ejemjan!
Bilýän seni bolmalsyndan az söýdüm.
Bu agyr hatamy ýüzüme däl-de,
Gije gündiz ýüregime basyp dur
Meni bir çak adam eden ak süýdüñ.

Baky ýashamagyñ arzuwyndakañ,
Ölmek üçin ezýet çekip ýatdyñ sen.
Gün dogup barýaka asuda säher,
Bozup obañ ähli rahatlygyny
Ýyldyz käbäm güne meñzäp batdyñ sen.

Erik ýañaklaryñ kishmishe döndi,
Dändi senden ysgyn gurbat mejalsyz.
Aýaklaryñ ýarym sowuk ýagdaýda,
Uklap galdyñ gujagynda gelnimiñ,
Göräýmäge, ne janly sen, ne jansyz.

Hakdan eden umydyña ýetmediñ,
Derdi beren dermanyny bermedi.
Çeken ezýetleriñ göz öñme gelýä,
Neçün beýle ,,Tañrygargan" bolduñkan?
Söýen dünýäñ ýashanyña degmedi.

Sag göwsüñ ýaraly süýrendiñ esli,
Akyp ýatan iriñ boldy oýnagyñ.
Öz üstüñden gelýän ysy ýigrenip,
Hem utanyp bizden haýysh ederdiñ,
Öz jaýyñda seni ýeke goýmagy.

Baýdak deý görküñden hiç zat galmady,
Düshegiñe siñip gitdiñ dirikäñ.
Bilýän seni bolmalsyndan az söýdüm,
Söýülmeli ynsanlaryñ birikäñ.

Ýazmyrat Çörliýew