Kritika(tankyda) açyk bolmaklyk barada

Essalawmaleýkler!
Ilki bilen, ýetip gelýän täze ýylyňyz bilen gutlaýan!
Soň şu tankyt we oňa açyklyk barada ýazasym gelýä. Bärde pikirler tankyda açyk, ýöne şahyslar däl. Ýöne adamlar argument, tankyt edere delil tapmasa, iň ýakyn we aňsat çykalga, şahsy tankyda geçýäler. Näme üçin türkmenlerde tankyt ýok diýen ýaly?!
Sungat eserleri çykanda şonuň professional tankytçylary bardyr, tehnologiýa çykanda şolary "test" edýänler bardyr, ýagny tankytçy bulam. Amerikan bilim sistemasynda, mugallymlaryň tankydy ýa semesteriň soňunda okuwçylardan alýan bahasy we sözleri bilen alýa, ýa http://ratemyprofessors.com/index.jsp ýaly online sahypalardan.
Diýmek TANKYT bir uly we gerekli zat. Kritiki analiz edip bilmek aňsat däl, emma gerek zat! Futbolda hem kommentatorlar ýa anlistler bar, köp ýurtlarda syýasatda hem bar. Asyl hemme ýerde bar.
Emma türkmenlerde tankyt bolanok, az bolýa, bolsa "angajirowanniý" diýilýän, ýaňky "wagga-wugga" tankydy bolýa.
Bizde köp zady tankyt etmek bolanok. Bolýa welin, derrew 5-10 sany mazardat çykyp şahsyňa garşy bir zatlar ýazýalar. Seniň pikiriň, asyl wajyp zat, barada ýazýan ýok. Şol internet diýen haýadyň aňarsyndan, nikiň arkasyndan oklap durýalar. Şeýle batyrlar köp. Özleriniň syrty çatanok tankyda, tankyt edýänleri ylgap tankyt edýäler. Näme üçin?! Aý akyma garşy bolýanlary ýepbeklemek ýeňil, özlerini bolsa akymyň ugruna göýberýäler.
Bolýa-da, meň aýtjak bolýanym şu. Tankyt gowy zat, ulanmaly HEMME ÝERDE! Ýöne mümkin boldugyça obýektiw, argumentli we sowukganly bolsa, şahsyna geçilmese.