DUNYA KUBOGY ( AZIYA )

Sanjar aýynyň 25-ine Günorta Afrikanyň Durban şäherinde geçirilen bije çekilişikde 3-nji toparçada ildeşlerimiziň paýyna Koreýa Respublikasy, Koreýa Halk Demokratik Respublikasy hem-de Iordaniýa döwletleriniň milli ýygyndylary düşdi. Geçiren 4 saýlama duşuşygynyň 3-üsinde ýeňiş gazanyp, diňe birinde deňlik gazanan ildeşlerimiz FIFA-nyň reýtinginde 127-nji ýeri eýelemegiň hötdesinden geldi. Bu bolsa soňky aýda iň ýokary ösüş görkezen (Aziýada 1-nji, Dünýäde 3-nji) döwlet diýmekdir.
Günorta Koreýa 1948-nji ýylda FIFA agza bolandan soń Dünýä birinjilikleriniň ählisinde hem çykyş etdi. Olar 2002-nji ýylda öz ýurtlarynda geçen Dünýä çempionatynda 4-nji orna mynasyp bolupdylar. Ak-gyzyl eşikde çykyş edýän Günorta Koreýanyň milli ýygyndy topary FIFA-nyň reýtinginde 42-nji, Aziýada bolsa 3-nji hatarda barýar. Olar ýurdumyzyň milli ýygyndy topary 13-nji Aziýa oýunlarynda duşuşupdy we 3-2 hasabynda üstün çykmagy başarypdy.
Demirgazyk Koreýa 1958-nji ýylda FIFA agza bolan Demirgazyk Koreýada Aziýa yklymynyň iň uly stadiony ýerleşýär – «Rungnado Meý Deý». (150 müň orunlyk ). Durşuna ak eşikde çykyş edýär. FIFA-da 117-nji, Aziýada 15-nji orunda barýar. İldeşlerimiz KHDR bilen 1 gezek duşuşyp, 1-1 hasabynda deňme-deň oýnady.
Iordan futbol topary bilen öň 2 gezek duşuşyp şolaryň ikisinde-de (2-0, 2-1) ýeňiş gazanypdyk. FIFA boýunça 122-nji, Aziýanyň reýtingi boýunça 17-nji ýerde barýan Iordaniýanyň futbol federasiýasy 1956-njy ýylda Halkara Futbol federasiýalar bileleşigine agza boldy. Iordaniýanyň milli ýygyndy toparyna portugaliýaly Wingado Nelo tälim berýär. Ak-gyzyl eşikde çykyş edýän Iordaniýanyň milli ýygyndy topary saýlama duşuşyklarynyň 1-nji tapgyrynda gyrgyzlardan kynlyk bilen üstün çykypdylar (2-0, 0-2, 6-5 ).
Toparçalardaky duşuşyklar şu tertipde oýnalar:
1- Baýdak aýynyň 6-sy, 2- Nowruz aýynyň 26-sy,
3- Oguz aýynyň 7-si, 4- Oguz aýynyň 14-ine,
5- Ruhnama aýynyň 6-sy, 6- Ruhnama aýynyň 10-y.