Turkmenpress: Alyslarda başyn goýan gerçekler (suratlar)

Вниманию родственников ашхабадца А.Е.Абдарахедова В Белгородской области
(село Чураево Шебейкинского района – там где проходила «Курская дуга»)
найдены останки солдата, в личных вещах которого была найдена
винтовочная гильза с запиской, где написано, что его зовут Абдарахедов
А. Е., год рождения 1918, проживал в городе Ашхабаде по адресу: ул.
Мамедова, дом 4. 7 ноября состоится перезахоронение останков. Если эта
информация заинтересовала родственников или представителей
Туркменистана, просьба связаться с журналистом Максимом Покутневым по
мейлу: или по телефону в Белгороде: (4722) 32-90-87.
------------------------
Огромная просьба разместить информацию в СМИ Туркменистана .
--
anna rudskay.

MÜMKIN, ESGERI TANAÝANLAR BARDYR?

Men goňşym Myratdan bu habary eşidip, allaniçigsi boldum. Öz başymdan geçen agyr
külpetler ýadyma düşdi. Çagalyk ýyllarym göz öňüme geldi.
".. Men ejemden her gün diýen ýaly kakamyň haçan geljekdigini birnäçe gezek
sorardym. Dogrusy, ejeme aýtman, ondan ogrynça kakamyň giden ýoluna käteler göz dikip
serederdim. Häzirki ýaly ýadymda, bir gezek gijaralar gaýradan gelýän adamyň öňünden
"kaka" diýip ylgapdym. Onuň ýöreýşi, boýy-syraty ediljek kakamdy. Dünýäde beýle-de bir
meňzeşlik bolar eken-ow.
- Kakaňam geler, oglum - diýip, ýaňky adam deňimden geçip gidende, men hiç kime
bildirmän aglapdym..."
Men bu setirleri Beýik Watançylyk urşunda mertlerçe wepat bolan mähriban kakam
Jürdek Atajyk oglunyň ýagty ýädygärligine bagyşlap ýazan "Esger papagy" atly powestimden
aldym. Uruş ýyllarynyň çagalary hakynda öz başymdan geçen pajygaly wakalar bilen gönüden
göni baglanyşyklydyr.
Intizar gözlerimi kakamyň ýoluna dikip, men oňa köp garaşmaly boldum. Onuň özüni
däl, mazaryny gözläp tapmak maňa 42 ýyldan soň başartdy. Adam pahyr her zada kaýyl bolýan
eken, şoňada häli-häzirem şükür edip ýörin. Ganym urşuň pidasy bolup, atsyz-sorsuz ýitip
gidenler azmy näme?!
Hormatly okyjy! Men özüm baradaky söhbeti uzaldyp otyrmaýyn.
Siziň dykgatyňyza ýetirjek bolýan habarym hem şeýle ykballar hakynda.
Goňşym Myradyň ogly Atamyrat, tüweleme, Singapuryň ýokary tehniki uniwersitetinda
okap ýören tayplaryň biri. Onuň hormatly Prezidentimiz Gurbanguly Berdimuhamedowa ylym-
bilim ulgamyndaky alyp barýan düýpli işleri üçin minnetdarlygynyň çägi ýok. Maglumat üçin
aýtsak, Atamyrat Hezretgulyýew ençeme Halkara bäsleşikleriniň ýeňiji hökmünde altyn
medallaryň üçüsine eýe boldy.
Atamyrat internet sahypalarynyň birinde gözüne kaklyşan şu aşakdaky mazmunly
habary öýlerine ýollapdyr.
"Orsýetli žurnalist Maksim Pokuntewiň (meýil boýunça: tah(a)gtrktv.ru ýa-da
Belgorotdaky telefony: (47-22) 32-90-87) internetda ýerleşdirilen habaryna görä Belgorod
oblastynyň Şebeýkin raýonynyň Çuraýewa obasynda bolup geçen (taryha "Kursk dugasy" ady
bilen giren) söweş meýdanyndan jeset tapylypdyr. Esgeriň goş haltasynyň arasyndan tapylan
peşeňiň içinde bolsa şeýle ýazgy bar eken: "Men, A.E.Abdarahedow. Aşgabat şäheriniň
Mämmedow köçesiniň 4-nji jaýy. 1918-nji ýylda doglan". Žurnalistiň ýazmagyna görä,
tapylan jesetler Sanjar aýynyň 7-sine başga ýere göçüriljek. M.Pokuntew esgeriň degişli
hossary ýa-da şeýle ykballar bilen gyzyklanýanlar bar bolsa, onda Türkmenistanyň
köpçülikleýin habar beriş serişdeleriniň üsti bilen olaryň dykgatyna ýetirilmegini haýyş
edipdir. Isleg bildiren adam bokarda görkezilen salgy boýunça onuň, ýagny žurnalistiň özi
bilen habarlaşyp biler. Men bu habar bilen tanşan badyma "Hatyra" kitabynyň degişli
tomuna seretdim. Ýöne tapan ýa-da anyklan zadym bolmady. Onsoň, irki döwürlerden bäri
şeýle ykballar bilen içgin gyzyklanyp, köp adamlaryň alkyşyna, Taňryýalkasyna mynasyp
bolan sogap gazanan žurnalist dostum, eliňizdäki gazetiň baş redaktory Baýram Sähedowa
ýüz tutdym. Ol hem öz gezeginde, bu ýumuşy meniň özüme tabşyrdy, çaklaňrajyk makala
ýazyp bermegimi haýyş etdi.

Telpekler (3 kisiden 3 sany)

Bu yazgi ucin

• Doby 1 telpek goyyar we yazyar: "Gaty gowy yazipsin! Berekella!"
• azik 1 telpek goyyar we yazyar: "Atamyrat gaty gowy yazipsin! Berekella!Tanyryalkasyn!"
• unknown 1 telpek goyyar we yazyar: "tuweleme, ongat ish edipsing!!"