Yagshylyk konelip tozup gitmez.
Pygamber a.s. sheyle diyipdirler:
Ýagşylyk könelip tozup gitmez, günä unudylmaz Allah tagala ölmez. Indi isläniňi et, eden amalyňa görä jeza çekersin!
Ýagşylygyň gadryny bilmeýärler diýip ilden öýkeläp ýörmek bimany iş. Ýagşylykdan maksat ilden hormat görmek däl-de, Allah huzurynda sogaply bolmak. Ýagshylyk unudylyp galmaz, gelejek bir günde hasaby bolar. Şeýle bolsa onuň halk ýanynda bilinip bilinmezliginde näme tapawut boljak. Günä, hususan bende haklary bolsa unudylman, günleriň birinde hasaplaşmaly bolar. Şonuň üçin adam ogly ýagşylyklaryň sylagyny we ýamanlyklaryň jezasyny görüljek gunleriň barlygyny unutmazlygy we özüne haýsysy gerek bolsa şoňa görä iş etmegi lazym.
Arhiwiň ýagdaýy
● Doly tekst
● 10/10 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 14 maý 2012 ý. · Asyl sahypany gör ↗
Teswirler 10
Dogry aýdylan sözler
Bashga yerde pygamberimiz sallallahu aleyhi we sallam aydypdyrlar:
Dogry sözlemek bilen heläklige barýanyny görseňiz hem dogry sözi ygtyýar ediň, nejat (apatdan gutulmak) şondadyr. Ýalan sözlemek bilen nejata barýanyny görseňiz hem ýalan sözlemekden saklanyň, heläklik şondadyr.
Ylym işleri bolsun, söwda we senegat kespleri bolsun, hasyl bermekleri üçin, dürstlik we rastgöýlik şertdir, şu iki zat bolmasa, başga sebäpler bikärdir. “Çagalara rastgöýligi öwrediň, onsoň rastgöýlik başga pazylatlaryň hemmesini siziň çagalaryňyza öwreder” diýipdirler. Hemme gatnaşyklaryň, dünýäde bar hereketleriň asly we ruhy şol dürslükdir. Eger bir kişi dogry sözlemäge öwrense hiç wagt ýalançylyga razy bolmaz we wyždany rahatlanmaz. Eger ýalançylyga adat etse zerre ýaly peýdasy ýok ýerinde-de ýalandan çekinmez. Hajjaj zalym hutba okap durka bir ör turup duran adam: “boldy indi, köp sözlediň, namaz wagty saňa garaşyp durmaz” diýdi. Hajjaj gaharlanyp ony zyndana saldy. Hossarlary gelip, “ol bir akly kemräk adam” diýip häkimden dilediler. Onda Hajjaj, şonuň kem akyllylygyny özi boýun alsa boşadaýyn diýdi we şol adamyny huzuryna getirtdi. Ondan soranda ýaňky adam: “men akly sag, kämil kişi, aldawçylykdan hem-de Allah tagalanyň beren akyl nygmatyny inkär etmekden özi saklasyn” diýip jogap berdi. Eger men mejnun diýen bolsa ony bagyşlarmy ýa ýok? Emma şol jogaby eşiden soň şol kişini azat etdi we rastgöýligi hem-de batyrlygyna haýran galdy. Bir kişiniň dogrudygyny däldigini aňlamaga hajat düşse, onuň edýän işini derňemek gerek. Kişiniň agzyndan çykýan söz, bütinleý öz sözi bolmazlygy mümkin. Emma özüniň sözi haýsydygyny edýän işinden doly aňlamak bolar.
aytyanlarynyz gaty dogry dostlar
sagja bolun
Molodes!
👍
Allah razy bolsun ! Yene-de sheyle yazgylsryngyza garashyan.
Gyzyklanyp okanynyz uchin kop sag bolun. Bolanyndan goyaryn.
yuregini gineldyan hadyslar.
hakykatdanam yuregini ginelityan hadyslar Alla razy bolsun talyp aga