Kerim agadan shygyrlar...
AŇSAT BILEN KYN
“Men-men” diýmek üçin ýekeje gezek
Dodogy dodakdan göterip bilsek —
Dünýäni “men” bilen doldurmak mümkin.
“Men, men” diýmek aňsat. “Sen, sen” diýmek kyn,
“Sen, sen” diýmek üçin sen oňat gerek.
Alym bolmak üçin ýekeje gezek
Gowşak bir romanyň üstünden gülsek —
Şonuň hem ýeterlik bolmagy mümkin.
Alym bolmak aňsat. Adam bolmak kyn.
Adam bolmak üçin baş äpet gerek.
Kitap almak üçin ýekeje gezek
Aýda “wegetarian gününe” dözsek —
Eflatun fonduny edinmek mümkin.
Kitap almak aňsat. Okap almak kyn.
Okap almak üçin müň takat gerek.
Erbet bolmak üçin ýekeje gezek
Kişiň aýnasyna oklasaň kesek —
Şonuň hem ýeterlik bolmagy mümkin.
Erbet bolmak aňsat. Oňat bolmak kyn.
Oňat bolmak üçin aň sagat gerek.
Yşka düşmek üçin ýekeje gezek
Hol aýnadan baksa garagözelek —
Meň ýaly kökerilip galmagyň mümkin.
Yşka düşmek aňsat. Aman çykmak kyn.
Aman çykmak üçin müň hupbat gerek.
Arhiwiň ýagdaýy
● Doly tekst
● 29/29 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 3 awgust 2012 ý. · Asyl sahypany gör ↗
Teswirler 29
gowja goshgy
gowja goshgy
gowja goshgy
gowja goshgy
gyshda soyging wagtymy,
ah yashlykdy yashlykdy 🙂
gowy yygyndylam bar ekena 🙂
shu goshgynam barik gecirmegi makul bildim🙂
ATAMYŇ KÖP GAÝTALAN SÖZLERINDEN
1
Dostuň bürgüt bolsa – daglara elter,
Dostuň bilbil bolsa – baglara elter.
Dostuň elguş bolsa – bir oba elter,
Dostuň baýguş bolsa – haraba elter.
2
Aman, aman... Dynmak üçin derdimden,
Elli ýaşda ýetmiş derman gördüm men.
“Guş gerek!” diýseler – sapanlap aldym,
“Gurt gerek!” diýseler – gapanlap aldym,
“Mumyýa!” diýdiler – tüpeňläp aldym.
Birisinden gördüm —
Azajyk haýyr.
Birisinden gördüm —
Müň hili zyýan.
Ahyry bir güýçden ýeňildi derdim;
Adam üçin adam —
Iň uly derman.
3
Sakalyň deregin tutsa-da akyl,
Akylyň deregin tutmaýar sakgal.
4
Gyz wagtynda hemme gyzlar mylaýym.
Seredýäň, seredýäň, doýunmaýarsyň,
Soň görüp biriniň şerraý aýalyn,
Şolardandygyna ynanmaýarsyň.
5
Tüssesiz ot gözläp bir täsin adam,
Ahyry dünýäden otsuz geçenmiş.
Bir köstsüz dost gözläp bir täsin adam,
Ahyry dünýäden dostsuz geçenmiş.
Tüssesiz ot gözläp, otsuz galmagyn,
Tüsseli-de bolsa, otluja bolgun.
Bir köstsüz dost gözläp, dostsuz galmagyn,
Köstlüje-de bolsa, dostluja bolgun.
6
— “Özüňi süýt saýgyn,
Dostuňy gaýmak!”
Diýýärsiň atam,
Bu näme diýmek?
O nämüçin mydam
Süýt bolup özüm,
Dostum hem üstümde
Bolmaly gaýmak?
— Oglum, bu igenjiň
Nähakdyr nähak.
Özüňi süýt saýsaň,
Dostuňy gaýmak,
Onsoň gaýmak saýar
Dostuňam seni.
Onsoň senem gaýmak,
Dostuňam gaýmak.
7
Öýlere gelin geler: üýtgär öýleň howasy.
Gyzgyn-gyzgyn öýleriň geler durar sowasy.
Gara saçly “mollaň” hem ýüzün ýuwjak däl weli,
Gara murtly “molladyr” bigaýratlyk belasy.
👍👍 +10 diysem manada yurejik basjakmy 🙂
bir gara bir gara velin barde eyyam yurejik basypdyryn da. sen mening yurejik basmadyk bir temama teswir yaz, men sho tayda basayin sanga 🙂
Kerim aga- atamyng kop gaytalan sozlerinden diyen mowzugymda yurejik basmandyryn 🙂