Bir dana aýdypdyr . . .

Akylly hem sahy adamlar özlerinde bar zady dostlaryna paýlaýar, akmak we husyt adamlar bolsa olary dushmanlaryna galdyrýarlar.
* * *
Beýik adamlar kiçini äsgermezlik etse we ile masgara etse, onda ol beýtmek bilen öz mertebesini pese gaçyrýar, öz depesinden ýigrenç hem-de utanç külüni sowurýar.
* * *
Görip mydama ejir çekip ýörendir hem-de Ýaradan bilen dawagärdir, ol mydama Ýaradan bashgalara bir zat berende gaharlanýar we gözi özgäniñ zadyndadyr.
* * *
Bagtly durmushyñ achary shu 5 zady bolan adamyñ elindedir:
1) Saglyk
2) Howpsuzlyk
3) Ýeterlik baýlyk
4) Wepaly dost
5) Parahatlyk
* * *
Dünýäde öz dostuñdan bir zat hantama bolmakdan ýaman zat ýokdur.
* * *
Öz doganlarynyñ ähli telek ishlerini bagyshlaýan we özüni soñra ötünç soramaz ýaly alyp barýan adam asylzadadyr.
* * *
Gowy zatlaryñ bary, açary pespällik bolan öýde goralyp saklanýar, ýaman zatlaryñ bary bolsa açary shöhratparazlyk bolan öýdedir.
* * *
Ertir ir bilen agzyña bir bölek owkat salman, gapydan çykma, çünki dokluk hoshamaýlygyñ we çuññur oýlanmagyñ maýasy, açlyk bolsa akmak hereketleriñ hem durnuksyzlygyñ özenidir.
* * *
Adalatlylyk bütin dünýäni gülledýär, zalymlyk ony çöle öwürýär. Adalat nury müñ parsahlykdan (parsah-6 km barabar uzynlyk) hem görünýär, zalymlyk bolsa töweregiñdäki müñ parsahy tümlüge öwürýär.
* * *
Adam ömrüniñ sahypalary dünýäniñ ýazuw tagtasydyr. Goý, size degishli sahypalarda diñe ýagshy ishler we peýdaly amallar ýazylsyn.

(Abdyrahman Jamynyñ "Baharystan" kitabyndan)