Söýgüden doýduňyzmy? Menem doýduraýyn azajyk.

Ilki bilen, herimiz hem birwagtlar, belki häzirem söýýändiris. Adama söýgüsiz ýaşamak kyn bolýar, şu adam hiçzady ýa-da hiçkimi söýmändir we şeýle-de ýaşapdyr diýip ýekeje adamy görkezip bilersiňizmi? Ilki bilen kelläme gelýän iň rehimsiz bolan Gitler ýadyma düşýär, ýöne ol hem öz halkyny söýüpdir...

"Söýgi iki taraplaýyn bolmaly" diýen ýaly gürrüňler köp eşidýäris. Köp eşidýän bolsak, diýmek iki taraplaýyn bolmalydyr. Ýeke özüň söýen ýagdaýyňda, ahyrynda seniň hem söýgiň ölmegi ähtimal. Herkimiň ýüregi hem söýgi küýseýär, şol sanda meniňki hem.

Herkimde bar bolan, ýagny Hudaýa bolan söýgüni alaly. Haçanda adam Hudaýy söýende, Hudaýyň hem ony söýýändigini bilmek isleýär. Biziň ählimiz Hudaýyň bizi söýmegi üçin oňa elimizden gelenini edýäris. Wagtymyzy sarp edip ybadat edýäris, günä iş eden wagtymyz bizi bagyşlamagyny soraýarys, sebäbi bize Hudaýyň söýgüsi gerek! Ýaşamagymyz üçin gerek, maşgala gurmak üçin, bu dünýede nesil galdyrmaklygymyz üçin gerek, çagalarymyza guwanyp ýaşamagymyz üçin gerek, arkaýynlyk üçin gerek, durmuşdan lezzet almagymyz üçin gerek, bize düşünmeklegi üçin gerek, kyn günümizde kömek etmegi üçin gerek, özümizi ýeke duýýan halymyz bize ýürekdeş bolmagy üçin gerek, ony öňküden hem beter söýmegimiz üçin gerek, ahyrynda bolsa Hudaýyň razylygy üçin gerek.

Şonuň üçin sizi söýýänleri hemişe söýüň. Olaryň siziň üçin edýän aladalaryny, wagtlaryny size sarp edişlerini, öňüňizde günäli bolan ýagdaýynda sizden bagyşlamagyňyzy soraýanlygy siziň üçin gymmat bir zatdyr. Sebäbi siziň söýgüňiz onuň üçin gerek! Ýaşamagy üçin gerek, maşgala gurmagy üçin gerek, bu dünýede nesil galdyrmaklygy üçin gerek, çagalaryňyza guwanyp ýaşamagyňyz üçin gerek, arkaýynlygy üçin gerek, durmuşdan lezzet almagy üçin gerek, özüne düşünmekleri üçin gerek, kyn gününde kömek etmegiňiz üçin gerek, özüni ýeke duýýan halynda oňa ýürekdeş bolmagyňyz üçin gerek, sizi öňküden hem beter söýmegi üçin gerek...

Diýmek, ikinji taýyňyza bolan söýgiňiz, Hudaýa bolan söýgi bilen kän tapawutlanmasyn. Sebäbi olaryň ikisi hem biziň üçin diýseň gymmatly. Biriniň ýok wagtynda beýleki goldaw berer...