TÜRKMEN DILINI BILÝÄRISMI? /8-nji sapak/

Biri gyz alyp gaçsa, oglanyñ hossarlary /il içinde sözi geçýän, abraýly adamlary/ gyzyñ ene-atasynyñ öýüne töwella gidýärler. Türkmençilikde är-aýal aýrylyshmakçy bolsa ýa urush-sögüsh bolsa we shuña meñzesh ýerlerde hem töwella edilýär. Munuñ umumy manysy ýalñyshan tarapyñ beýleki tarapdan ötünç soramakdyr, ylalashyga geleli diýmekdir, öýke-kinäni aradan aýyrmak üçin ädilýän ilkinji ädimdir. Bu asylly däpdir. Bu däp türkmen halkynyñ hiç kimiñkä meñzemeýän özbolushly diplomatiýasydyr. Uly mukdardaky puluñ, haýbat atmagyñ ýa-da pylança ýyllyk türme tussaglygynyñ basharmadyk, çözüp bilmedik meselelerini köplenç halatda töwellaçylyk basharandyram, çözendirem. Çözmegi basharmadyklaryna-da, näme, bähbit bolsun diýmeli bolýar. Bu mesele hemmelere düshnüklidir. Indi düshnüksiz zat barada.
Shu töwella diýen söz nireden çykdy? Türkmen sözümi ýa gaýry dilden geçenmi? Munuñ kökünde haýsy söz ýatyr we aýratynlykda näme many berýär?
Meñ öz pikirim sheýle: Töwella arap sözi bolup, bize Yslamdan soñ gelen bolmaly. Soñky iki bogunda Alla sözi bar. Bashky bogun, ähtimal, türkmen dilinde güýçli assimilýasiýa sezewar bolup, düýpli üýtgändir. Manysy, Allanyñ haky üçin ylalashaly, öýkeleshmäli diýmek bolsa gerek. Bu meniñ pikirim. Mende ylmy esaslar ýok. Diñe çaklama.
Siz nähili pikirde?