GOWY GÖREN GOSHGULARYM /5/
Güýz paslynda güýz hakynda bir goshgy goýaýyn diýdim.
* * *
Güýz gelip, ýodalar ýadapdyr juda,
Sergin säherlere duman inipdir.
Ýapraklar çalaja shemala gaçjak
Bolup, çybyklara zordan ilip dur.
Güýz gelip, bulutlar ýitirip ýoly
Güneshiñ öñünden gidip bilenok.
Ýagysh gara dönüp ýagaýjak bolýar,
Ýöne nämüçindir ýagyp bilenok.
Güýz gelip, gijeler agraslanypdyr,
Gündizleriñ ýüzem saralan ýaly.
Bu günler derýadan üzülip galan,
Ýatyp galan suwlañ niçikkä haly?!
Öñki shagalañy küýsänok ýürek,
Ol ýeñil shatlykdan düshüpdir jyda...
...Men seniñ ýanyña barardym welin,
Güýz gelip ýodalar ýadapdyr juda...
Men bu goshgyny 20 ýyl gowrak mundan ozal bir gazetdemi, jurnaldamy okapdym. Goshgynyñ özi ýatda galsa-da, awtory ýadymda galmandyr.
Arhiwiň ýagdaýy
● Doly tekst
● 18/18 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 18 maý 2012 ý. · Asyl sahypany gör ↗
Teswirler 18
sag bol paylaşanyn üçin
tüweleme 20 yyl önki okan goşgyny yatlapsyn...
awtoryny sylayan dalsin 😆
sagja bol..goshgy okamazcha dal 😆
tuweleme gowy goshgy....
Bu nähili gürrüñ boldy?
Netije çykaryshyñ göwnüme ýakanok. Goshgy gowy bolsa nämüçin awtoryny sylamaly däl. Aslynda sylag-hormatyñ näme dahyly bu ýerde?!
2-nji klasyñ ene dili okuw kitabynda
Eý, mekdebim, jana-jan
diýip bashlaýan bir goshgy bardyr. Muny ýatdan bilmeýän türkmen az-azdyr. Emma awtorynyñ kimligini bilýän barmyka? Diýjek bolýanym mesele goshgynyñ awtorynyñ kimliginde däl-de, eýsem, goshgynyñ hilinde.
Bu goshgynyñ showly tarapy näme?
Turuwbashdan akyl satanok. Saralan ýapraklar, tänen ömür, eýle-beýle diýip ýasama pikir-duýgyñ azaryny çekenok. Diñe gözüniñ gören, beýnisiniñ kabul eden, ýüreginiñ duýan zatlarynyñ elitasyny setire salypdyr. Güýzüñ peýzajy. Ýadaw ýodalar, ýüzi saralan gündizler, derýadan üzülip galan suwlar... Peýzajy görmek añsat, ony duýmakda we setire salmakda ish bar.
Peýzaj goshgularynyñ köpüsinden tapawutly ýeri bu goshgy etýud däldir. Soñky bende seredip görüñ.
Aýdasym gelýän zat kän welin, wapçy bolamsoñ kyn bolýar.
öraen ajayyp goşgy. goşgynyng ajayyplygyny aytmasang, yazan şahyra biedeplik boljak yaly bolup dur.
Bu goşgyň awtorynyň kimdigini bildim. Osman Hallyýew eken. Kerki etrabyndan bolmaly ýalňyşmasam.
Jelaletdin, awtoryny tapdym. Öňem sylaýardym, häzirem sylaýan. Geljekde-de pikirim üýtgär öýdemok.
baeh, men Kerkide beyle şahyryng bardygyny bilemokdym. sen naemaeni bilyaeng diysene! berekella, Kerki! 🙂
Ýagmyr Hudaýgulyýew bir ýazyjy bolmaly Kerkide. Ozalky Lenin köçede ýaşaýandyr. Osman Hallyýewi şol tanaýandyr.
Yagmyr Hudaygulyny tanayan. Osman Hallyny hem eşidipdim öydyaen. şu wagt çagalykda okanlam ukudan turup başlady.
Ýagnyr agaň Kemis diýip bir powestini redaktirläpdim. Arman çap etmediler.
Ýagmyr*
diymek,
Ýollar teget geçýär biri-birine...
Teget - çapraz sözüniň antonimi bolýarmy?
yok, çapraz dael. men bu sözi iki ykbalyng duşuşmaklaryna bir mm galanda, hersining dürli sebaeplerden iki ugra gidenine şayat bolamda yazypdym. geometriyada töwerek bilen çyzyk hem doly kesişmeyaer. kesişen yaly görünse-de, kesişmeyaerler. şonga teget geçmek diyilyaer.