TANS OÝNAÝARYS. MAKSADYMYZ NÄME?

Heý, pikir edip gördüñizmi, tans näme? Tans oýnaýan adamyñ maksady nämeden ybarat?
Dünýäñ ähli halklary diýen ýaly tans oýnaýar. Tansyñ döreýish taryhy öz köklerini gaty gadym döwürlerden alyp gaýdýar. Ähtimal ol Nuh /a.s./ eýýamyndan gaýdýandyr. Eýsem, haýsy zerurlyk tansyñ döremegine sebäp bolduka?
Bilshimiz ýaly tanslar mazmun taýdan dürli-dürli. Shonuñ ýaly, tanslaryñ döreýish taryhy hem hil-hil. Meselem, sowet ideologiýasy öz döwründe onlarça ýasama, jemgyýete ýat bolan gerekmejek tanslaryñ döremegine sebäp boldy.
Häzirkizaman türkmen toýlarynda görýän tanslarymyz hem gaýry halklaryñ tanslarydyr. Bu hili tanslar biziñ milli koloritimize ýat we halky edim-gylymlarymyza, ynanç-ygtykatlarymyza, türkmen häsiýetleriniñ asyllylygyna ters gelýär. Çünki, biziñ toýlarymyzda oýnalýan tanslaryñ Küshtdepdiden bashgasynda erotiki hereketler agdyklyk edýär. Aslynda sheýle tanslaryñ döreýish taryhynda erotiki hereketler arkaly tomasha edýän adamda jynsy islegleri oýarmak maksady ýatan bolmaly. Elbetde, bu meniñ pikirim. Siz nähili pikir edýäñiz?