Ýeñil baýap, näme gazandylar?! (real durmushdan parça) 2
GALPYÑ GAZANY GAÝNAMAZ
"Ynam ömür ýalydyr, ol ynsana bir gezek berilýär" diýip, gadymy pähimdarlaryñ aýdyshy ýaly, bu owadan dünýäde ýashan ömrüñde özüñe bildirilýän ynamy ödemek parz. Çünki, ynamy ödemek köñüller içinde gurlan mertebäniñ, hormatyñ, sarpanyñ bosagasyndan ätlemek, abraý gazanmak. Ýöne, aramyzda ýeñil eklenç gözläp, çar tarapa hars urup, il-gününi, goñshy-golamyny, dost-ýaryny, dogan-garyndashyny çürkäp, abraýdan gaçyrýan kezzaplaryñ bardygy bizi örän gynandyrýar. Ozal hem kezzapçylyk edip, jenaýat jogapkärçiligine çekilen, 1982-nji ýylda Türkmenabat shäherinde doglan Suhrab Abdullaýew welin halal zähmet çekip, gazanç edeninden kezzapçylyk edip, göz-görtele ýalan gepläp, ogurlyk edip, baýanyny kem görmedi. S. Abdullaýew dashary ýurt firmasyna ishe ýerleshdirmegi wada berip, aldaw ýoly bilen obadashlarynyñ ynamyndan peýdalanyp, olardan ep-esli möçberde pul alýar. Ol sürüji wezipesine ishe ýerleshdirmegi wada berip, obadashlary A. Jumadurdyýewiñ, M. Hasanowyñ, S. Pimepesowyñ hersinden 550 amerikan dollaryny, H. Permanowa bilen A. Bazarowadan tam süpüriji wezipesine ishe ýerleshdirmäge wada berip, 400 amerikan dollaryny, Sh, Ýakubowadan we N. Ýakubowadan kätip wezipesine ishe ýerleshdirmäge wada berip, jemi 700 amerikan dollaryny, J. Ismailowadan tam süpüriji wezipesine wada berip, onuñ 400 amerikan dollaryny aldaw ýoly bilen alýar we olara ep-esli derejede maddy zyýan ýetirip, kezzaplyga ýüz urýar. Shonda-da ony obadashlaryny çürkäp alan puly kanagatlandyrmaýar. Onuñ ho-ol allowaralardan albaý bulaýan gara nebsi S. Abdullaýewi indiki jenaýata iterýär. Bu gezek ol B. Wafaýewe dushýar. Hernäçe hilegärlik etse-de, B. Wafaýew onuñ gazan çukuryna düshmeýär. Ahyrynda-da, S. Abdullaýew ondan 800 manat karz berse, soñra onuñ shol puluny 900 manat edip gaýtaryp berjekdigini we ishe ýerleshmäge kömek etjekdigini wada berýär. Aý aýlanyp, ýyl dolanýar. S. Abdullaýewiñ hilesine aldananlar oña beren pullaryny yzyna almagyñ aladasyny edip, uly gaýga galýarlar. Ahyrynda onuñ algydarlarynyñ dadyna hukuk goraýjy ishgärler ýetishmeli boldy. Onda-munda ygyp, gaçyp ýören S. Abdullaýew bolsa, yzyndan ýetilmez öýdýärdi. "Ýakma-bishersiñ, gazma-düshersiñ" diýlishi ýaly, S. Abdullaýew hem eden etmishleriniñ oduna ýanmaly boldy.
Sheýlelikde, Türkmenabat shäher kazyýetiniñ shu ýylyñ 23-nji iýunyndaky çykaran hökümi esasynda S. Abdullaýew Türkmenistanyñ Jenaýat kodeksiniñ 228-nji maddasynyñ 2-nji böleginde görkezilen jenaýatlary etmekde günäli bilnip, 8 ýyl azatlykdan mahrum edildi. Bu berlen jeza ony ymykly aklyna aýlasa gerek.
Shöhrat Mämmetgurbanow, Lebap welaýatynyñ Türkmenabat shäher kazyýetiniñ kazysy.
"Adalat" gazeti. Nomer 37 (710) 2010-njy ýylyñ 10-njy sentýabry, anna.
Arhiwiň ýagdaýy
● Doly tekst
● 14/14 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 19 maý 2012 ý. · Asyl sahypany gör ↗
Teswirler 14
Galp gazanmak,adamzada yong bolupdyr oytyan,harsydunyalikde bir keselda,egerde islendik dowletde kezzaplar kopelse,ondo dowleting kellesining chuyrandigini gorkezar...bu soler taze doran zat dal,asyrlar boyy aydlyp gelyar...
adamyn gazanyan pulundan gorkulmaz pulun gazanyan adamyndan gorkular.
bah, tam supurijilik ishine girmek ucin hem para tolemeli diysene. ey Allah, bu dowurde hokumet ishinde ishlar yaly bolmandyr. Firmalar dursun diyaymeli bolupdyr.
Üns beren bolsañyz döwlet adamlary türkmen halkynyñ öz ýurdunda ish tapman, dashary ýurda firmalara para berip ýerleshmäge taýardygyny özleri belleýär. Gysgasy tmda ish tapmak kyndygyny boýun alypdyrlar. Ýogsa bu makalany gazeta ýerleshdirmezdilem weli, kimdir birine bu habary okatmak üçin naroshna ýazylan hakykat makalasy-dyr. :-)
Hachanda bolsa bir gun shu bikanunchylygy yatyrjak adama shohrat we Alla onga yardam bolsyn!...
Bu bikanunçylygy ýatyrmak döwletiñ elinde. Ishsizlikden her zada garashywermeli. Okuw jaýlaryna girip bilmän(para sebäpli), millionlap ýash oglanlar gezip ýör. Elinde gaty diplom bolmansoñ, döwletde ishläp bilenoklar. Soñ olar nädip gününi görsün?! ogurlyk, masheniçtwa, narkotargow ýene-ýeneler bilen gün görmeli bolýarlar. Soñ bular ýaly wakalary aýyp-syn edip oturmalam dällaý.
Bu yerde bashga boyun alan zatlaram pul bilen ishe girip bolyany. Dashary yurt firmasy hem daldirlay ol soz beren yerleri, dowlet ishidir. Hemme problemanyn duybunde para yatyr
aý agzymda durdy ýöne aýtmana çekinip durdum welin... :-)
Seniñ aýdanyñ bilen doly ylalashýan. Bolmanda-da dashary ýurda 400$ bilen gidip hem ishe ýerleship bolmajagy ite mälimdir. Makalany owadanlap ýazmaly diýse, tüweleme üýtgetmägede ökde biziñ nemelerimiz. :-)
Rowshen, sen ters dushundin. Dashary yurt firmasy diyip dashary yurtda yerleshyan firmalar hakynda dal-de bizin yurdumyzdaky firma yone dashary yurtlylara degishli firma hakynda aydylyar.
Mümkin 🙂 aý ýöne 400$ bilen döwlet edarysana ýerleshsede bolarmyka diýýän. 400$ tam süpüriji bolmak üçin ýaman gummatlaý. Haý meýdi ýanan gummatçyl eken :-)
Rus sisteman galdyran zady da. Gecen yyl Rusya Putin aytdy, bilinen döwletin icinde aylanyan wizyatkañ möcberi $129 milyard.
Rus sisteman galdyran zady da. Gecen yyl Rusyada- Putin aytdy- bilinen döwletin icinde aylanyan wizyatkañ möcberi $129 milyard.
her yerde barlay haramzada adamlar (adamam diyesim gelenok sholar yalylara)...
yenil gazanch etmek usullary her ugurda bar oydyan.
dayhanchylyk/oba hojalykda: onumi chalt yetishdirip satyp pul gazanmak uchin kabir himikatlaryn ulanylmagy.
bank sistemynda ya pully ishlerde: prosent pul bermek. Alan hem chuyreyar.
Ayal-gyzlaryn tenlerini satmagy, narkotik jisimleri satmagy, arak-chilim satmagy, nakolko-pirsing yasama karhanalar w.sh.m. Belki narkotik ya arak-chilim ondurmek hem uly zahmeti talap edyandir yone ony ulanan adam birinde adamchylykda chykyar beylekisinde-de saglygyny olduryar we onun guly bolyar yagny ona bagly bolup gazanan puluny berip yoryar. Onduryanem pul gazanyp yor adamlary zayalap.