Gaýdyp beriň

Goý, gyzdyryp dulugym, müýnümi aýdyp beriň,

Bigünä
oglanlygym, düýnümi gaýdyp beriň!

Ýollarda
hozanagam, çar ýanym gözenegem,

Agypdyr ezenegim,
donumy gaýdyp beriň!

Biweçler başa
bela, bet işlere mübtela,

Jeset aglar
Rabbena, janymy gaýdyp beriň!

Uwundygym
kyssaňdyr, düwündigim tüssäňdir,

Sygyndygym
Yslamdyr, dinimi gaýdyp beriň!

Dilsiz men çykmaz
dadym, mahluk men hany ýadym,

Owal başdan
adamdym, çinimi gaýdyp beriň!