Parasatly çözgüt (ýapon ertekisi)

Bir bar eken, bir ýok eken. Gadym za­manlarda ýaşy otuzdan geçen bir ýigit bar eken.
Ol ýigit örän sabyrly, akylly we başarjaň eken. Günleriň birinde ýigit gezmeläp ýörkä bir owa­dan, görmegeý gyza gabap gelip­dir. Ýigit ony gören badyna aşyk
bolupdyr. Ýöne näme üçindir, bir­bada öz duýgusyndan çekinip­dir. Sebäbi, otuz dört ýaşly ýigi­diň aşyk bolan gyzy ýaňy on dört ýaşynda eken.
Aýlar geçipdir, günler geçipdir. Ýi­git näçe jan etse-de, duýgusy bi­len bäsleşmegiň hötdesinden ge­lip bilmändir. Ol ahyrsoňy gyzyň ene-atasynyň ýanyna baryp, özü­niň gyza aşykdygyny, toý tut­mak isleýändigini aýdypdyr. Ýigi­diň ýaşyndan habardar bolan ene-ata oňa öz gyzlaryny ber­mekden ýüz öwrüpdirler. Muňa
garamazdan, ýigit öz meýlindendänmän, kaza ýüz tutmagyň ka­raryna gelipdir.
Ynha, ara salym bermän, kazy ýi­gidi, gyzy we onuň ene-atasyny
öz ýanyna çagyrypdyr. Kazy gy­zyň ene-atasyna ýüzlenip:
- Şeýle akylly, başarjaň ýigide gy­zyňyzy bermekden ýüz döndermegiňiziň sebäbi nämede - diýip, sorapdyr. Gyzyň ene-atasy:
- Bu ýigit biziň gyzymyzdan ýig­rimi ýaş uly. Şol sebäpdenem biz
şeýle karara geldik. Hiç bolman­da, ýigidiň ýaşy gyzymyzyň ýa­şyndan iki esse uly bolsady, on­da biz kaýyl bolardyk - diýip, ýag­daýy düşündiripdirler. Kazy az
wagt pikirlenip:
- Beýle bolsa, goý, siziň diýeniňiz bolsun. Toý ýene bäş ýyldan tutulsyn. Ýigidem oňa çenli gara­şar. Nesip bolsa, bäş ýyldan ýigit
kyrk ýaşyny doldurýar, siziň gy­zyňyz bolsa ýigrimi ýaşyny doldurýar. Netijede, ýigidiň ýaşy gy­zyňyzyň ýaşyndan iki esse uly
bolýar - diýip, parasatly çözgüdi bilen iki tarapam ylalaşdyrypdyr.
Şeýdibem, ýigit bäş ýyldan soňra
öz magşugy bilen toý tutup, bir­ näçe ýyllap döwran sürüpdir.