TALYPLYK ÝYLLARY
TALYPLYK ÝYLLARY
Ýaşlygyň ýazyndan nur alan aýdym,
Bu talyp ýyllary, talyp ýylary.
Kitaplaň teýinden göterlen bagtym,
Bu talyp ýyllary, talyp ýylary.
Bir gözünde müň bir syryň kyssasy,
Bir gözünde – aşyk kalbyň gussasy,
Terezi dek ölçär ýörer kysmaty,
Ah, talyp ýyllary, talyp ýylary
Ak ýazlardan inen ýyldyrymmy ýa,
Arşymda ýalbyran ýyldyzymmy ýa,
Ömrüm, iň bir ajap ýyllaryňmy ýa,
Bu talyp ýyllary, talyp ýylary.
Hiç ýerleşip bilmän, wagta-sagada,
Hallan atar ylym-bilim arada,
Geçer deň ýarysy kitaphanada,
Ah, talyp ýyllary, talyp ýylary.
Gül durmuşyň ömre atan bijesi,
Ýokdur onuň gündizi ýa gijesi,
Şükür, meňem ykbalymy idedi,
Bu talyp ýyllary, talyp ýylary.
Şatlygyň ýürege galyp ýyllary.
Arhiwiň ýagdaýy
● Doly tekst
● 3/3 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 3
Sag bol paylaşanyna gowja goşgy.Yöne hayyşt goşgy goyanynyzda kim yazandygy, bar bolsa çeşmesi barada maglumat yazyn, bolmasa goşgynyza eye çykan tapylmagy mümkin 🙂Düzen sungat eserimizi goralyn
Super goshgy men talyplyk yilymy yatladym wah bu sentyabr okuwa gitmek yokda
bu-da gowy goshgy ekeni..
ine menin talyplyk baradaky gowy goryan goshgym :
Talyplyk yyllarym
Yat illerde yatlar bilen gechyar mening yashlygym,
Unwersitetde okan yyllam, yatdan çykmaz açlygym,
Garnym doysa keypim bolsa 1-2 setir joşdugym,
Gysgaçasy şeylerajik meng talyplyk yyllarym.
Gazyet, jurnal, kitap, depder mening ahli baylygym
Jübimde-de it uglayar, nadeyin? yok aylygym,
Her sagadym hepda döndü, zordan geçyar aylarym
hiç dynmajak yaly geçyar meng talyplyk yyllarym.
çilim çeksem söwer diyip ejem düşyar yadyma,
söwdürmerin, aç wagtym-a yetişmedi dadyma,
Oyun etyanlay başym gurban ejemjanyng adyna,
dogan gardaşa zar etdi meng talyplyk yyllarym.
Synag wagty Yakynlaşsa dunye dar geler sanga,
Kitaplang bilen gürleşip her gün yetersing danga,
Dynç alara wagt tapmarsyng agyr derslerden yanga,
Dersler bilen yadow geçyar meng talyplyk yyllarym.
yat illering gyzlary hem hiç owadan bolanok,
Yüzüng yüzlerne gülse hem hiç yüreging
gülenok,
Türkmen gözeling yerine hiç gözel tay gelenok,
Gyzsyz yakdy yaşlygymy meng talyplyk yyllarym.
Nesip bolsa bir gün dynar bu jepaly seneler,
Yerimize başgalary okamaga gelerler,
Şu goşgyny okasalar manga mamla diyerler,
Hem gyzykly, hem gyzyksyz meng talyplyk yyllarym