GÖRÜP BILMEK

Salam Teswirleriň agzalary Remezan aýynda bekleýän Orazlaryňyzy we Juma güni okaýan namazlatyňyzy edýän dileg-dogalaryňyzy Allah kabul etsin:  size ýene bir kiçirajik hekaýany ýazdym, öň ýzylan bolsa ötünç sorayan, okanyňyz uçin Taňryýalkasyn 🙂

GÖRÜP BILMEK (hekaýa)

Adamymyň gulluk edýän harby bölümini çöle göçürdiler. Ol gulluk edýärkä ýanynda bolasym gelýärdi. Şaýymy tutyp, çöle bakan ýola düşdim. Çöl yssydan ýaňa gaýnaýjak bolýardy.

Bizi kiçijik bir külübejige ýerleşdirdiler. Emmaçölüň tüp yssy howasy maňa bile bolmak üçin janserek bolan adamymy hem unutdyrypdy. Men indi bu ýerden gitmegiň alajyny gözleýärdim.

Kakama “Geliň-de meni bu ýerden alyp gidiň. ” diýip hat ýazdym..
Kakamyň gelerine garaşýarkam, ondan şu iki setir hat geldi. .“Iki adam türmäniň penjeresinden daşary seretdi. Olaryň biri batgalygy , beýlekisi bolsa asmandaky ýyldyzlary görüpdir.”

Kakamyň hatyny okanymdan soň, utanjymdan ýaňa ýüzüm gyzardy. Men asyl diňe batgalygy gören ekenim. Ýöne ýyldyzlar hem bardy ahyryn.

Wagt ýitirmän ýerli halk bilen tanyşdym. Olar bilen şeýle bir ümmülleşdim welin, olarhat-da syýahatçylara hem satmaga dözmeýän zatlaryndan hem maňa sowgat berdiler.

Tebigatyň gözelligine, çölde günüň batyşyna syn etdim.
Düyn ýigrenen çölüm, bugün meniň janyma hoş ýakýar.

Eýsem näme üýtgedi? Çöl üýtgedimi? Ýok. Ýa bolmasa adamlarmy? Ýok...
Diňe men üýtgedim.

Kakamyň iki setir haty meniň durmuşymy üýtgetdi.
Penjireden seredenimde, asmandaky ýyldazlary görmegi öwrendim.

Janly-jandara, ynsan-u-haýwana Allatagala göz beripdir. Göz görmeli! Gözüň borjy görmek, emma nämäni görýärsiň, nähili görýärsiň - Ine, şu taýdadünýäniň, durmuşyň iň uly pelsepesi ýatyr. Biri süýde siňe seredip gan görýär, ýene biri gana siňe seredip süýt görýär!

Bir zat aýan: Dünýä, adamzada, ýaşaýşa diňe Allatagalanyň nazary bilen seretmeli! Emma Allatagalany gören-bilen, oňa akyl ýetiren ýok, şonuň üçinem Allatagalanyň kalbyňa salan ynsaby-imany bilen seretmeli!