Entropiýa ýada zamany yzyna dolamak we "Jenap Hiçkim" hakynda

Ýaňyja şahadan goparylan, öwüşgün saçyp duran bir ter almany göz öňüne getiriň. Belli bir wagt geçenden soňra bu alma terligini ýitirmäge we çüýremäge başlar. Hatda siz ony şahasyndan goparmasaňyz hem ol wagtyň geçmegi bilen ýere gaçar, çüýrär we topraga garyşar. Bir wagt bolsa ol ähli owadanlygy, ähli terligi, ähli şirinligi bilen ajaýyp bir almady. Siz ony iýip bilerdiňiz, onun size berýän kiçijik energiýasyny ulanyp bilerdiňiz. Ýada bir wazo. Haçanda wazo yere gaçyp döwüleninde onuň döwük bölekleri aýagynyzyň aşagynda pytrap gider we siz hiç wagt ony önki ýagdaýyna getirip bilmersiňiz Jack Van Dormael özüniň "Mister Nobody" filminde kaos we nyzamy, saýlamak we saýlamazlyk arasyndaky ikirjiňlenmäni, ýaşayyş we ölümi, we hiç durmaýan zamany görkezmek isläpdir. Näme üçin bir ýoly ýada bir zady seçmek islänimizde ikirjiňleneris. Goý, bu bazarda satyn almak isleýän aýakgabymyz ýada dilimiziň ujynda aýtmak üçin saklap duran sözümiz bolsun. Satyn almalymy ýada almaly dälmi? Aýtmalymy yada aýtmaly dälmi?