Haçan soňky gezek öz pikiriňiz beýan etdiňiz?

Salawmaleýkim hormatly agzalar.

Kiçijek ses berilşik edeliň. Dogrusy soňky açylýan bloglarda adamyň öz pikiri ýok diýen ýaly. Teswirlerde bar bolup biler, ýöne köplenç habarlar, hekaýalar, anekdotlar, rowaýatlar garaz ählisi öň başga biri tarapyndan ýazylan zatlar we şolar paýlaşylýar.



Bu ýerde hem erbet zat ýok. Bir hekaýany ýa-da habary terjime edip paýlaşmak hem ullakan zähmet. Sebäbi asyl mesele bir tarapdan türkmençe maglumaty saýtda köpeltmek bolup durýar. Şol sebäpli bu işleri edýänlere hem ullakan minnetdarlyk bildirýän.

Aslynda başga saýtdan copy&paste etmekde hem belli bir derejede adamlaryň aladasy bar. Zaman gazetden ýa-da saglyk.info, azathabar, salamturkmen we ş.m ýerlerden habarlary bärik ýetirip durmak hem gowy iş. Sebäbi internetde beýleki saýtlarda hem näme ýazylýanyndan habarly bolup durmak gowy. Ýagny diňe öz pikiriňi ýazmaly diýen şert ýok.

Ýöne öz pikiriňizi ýazyp, blog ýazmaga synanşyp gördüňizmi? Köpüňiz blog açmakda şu ýerde tejribe geçip öwrenip giden bolmagyňyz hem mümkin. Sebäbi edil özüme galsa şeýle. Islendik meselede blog açyp, pikiriňizi ýazyp, adamlara öz pikiriňizi hödürlemekden gowy zat ýok. Eger adam şoňa düşünse.

Gysgajyk ses berilşik, iň soňky gezek haçan öz sözleriňiz bilen blog ýazyp gördüňiz?
Ýagny habar, hekaýa, goşgy ýaly zatlary hasaba almanyňda.