Säher turup..... (Gurbannazar Ezizow)
Säher turup, syl ýüzüňe çagaňy,
Päkliginde bolup bilsen şonça bol.
Sen sanama gara saçyň agyny,
Sen sag-aman öreniňe monça bol.
Biz hemmämiz şatlyk üçin doguldyk,
Şoň üçinem geçdik, ine, şunça ýol.
Şat günleriň köp bolmanna gynanma,
Şat günleriň bolanyna monça bol.
Goňşyňy gozgama, göçmesin gonşyň,
Goý, öçmesin sen ölçerme oduny.
Aýaklaryň ätjek ädimin äder,
Göreçleriň görer görjek zadyny.
Säher turup, syl ýüzüňe dünýäni,
Giňliginde bolup bilseň şonça bol.
Bu dünýäne mahsus ähli zatlaryň
Senden sowlup geçmeýänne monça bol.
Erbet bor bu baglar geçse deňiňden,
Bu ýagyşlar seniň uçin ýagmasa.
Bagy ikiýana bulanda tupan,
Zerur çygy gül ýüzüňe degmese.
Gykuwlaşyp geçip gitse deňiňden,
Durnalaryň ýyllar kimin hatary.
Seni gozgamasa beýik ýaşaýşyň,
Çözülen hem çözülmeli m a t a l y .
Şoň üçinem syl ýüzüne dünýäni,
Özüň hakda, goňşyň hakda pikir et,
Bu dünýäňe mahsus ähli zatlaryn
Senden sowlup geçmeýänne şükür et.
Arhiwiň ýagdaýy
● Doly tekst
● 10/10 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 10
Oran gowy goshgy, sagja bol. Gurbannazar Ezizow beyik shahyr. +1.
minnetdar ajap goshgy
saher salamynda her gun irden gaytalanyady,sholyerden yat tutduk.gowy goshgy sagbol.
Säher turup, syl ýüzüňe çüýşäni,
Serhoşlykda bolup bilsen şonça bol.
Sen sanama boşan çüýşäň sanyny,
Sen sag-aman açylanňa monça bol.
iyyam goshgyny remix edipdirleray. gosgyn ishini goripdirler
hiç gelişmeyarow,şular yaly manyly goşgylaryn işini göryalerda.Dr.Nihat sana diyemok , menem bir yerde dinlapdimda bu remixi şonun üçin diyyan.
Sagja bol, dogry düşüneniň üçin
👍👍👍
shu goshgyny okap yadamokda... nache okasamam doyamok... gaty ruhlandyryjy goshgy!
Örän gowy goşgy 🙂