Blogçylarymyz. Blog ýöretmek isleýänlere kömek we teklip.

Salam hormatly teswirçiler!

Bilýän bolsaňyz, soňky wagtlarda türkmen agzalarymyzdan hem birnäçesi öz bloglaryny ýöretmäge başladylar. Bu hem gowy ýagdaý. Sebäbi Watanymyz, ýurdumyz hakynda hakyky we doly maglumatlary bize diňe blogçylar berip bilerler. Öz gyzyklanýan we täze ideýalaryny paýlaşmak bilen, halkyň aň-düşünjesini azajygam bolsa ýokarlandyryp biler we başgalara öwredip biler. Iň bolmanda, türkmen internedinde adyňyzy goýup, özümize täze  dostlary tapynalyň. Mail.ru-da surata görä seredip tanyşmakdan, pikirlerini okap tanyşanyň peýdalydyr 🙂

Indi, VeriLoft toparymyz bolup türkmen internedinde azajygam bolsa ösüş girizmek üçin täze proýekte başladyk. Proýektiň esasy maksady türkmenistanly blogçylary köpeltmek.

Elbetde, köpümiz blog ýöretmek isleýäris ýöne ähli zatlarynyň türkmençe we düşnükli bolmagyny, okalmagyny, täze blog açynmak üçin köp wagt we nerwlerimizi ýitirmän saklamak isleýäris.

Proýekt hakynda bolsa, herbir isleýän adam üçin mugt blog sahypasyny açyp bermek isleýäris. Ýagny diňe domain we serwer çykdajylaryny töläp, öz adyňyz boýunça blog ýöredip bilersiňiz. (meselem: agajanh.com). Websaýty açyp bermek, serwera ýerleşdirmek, blogy standartlara gabat geler ýaly edip taýýarlap bermek (doly türkmençe) ählisini, herbir isleýänler üçin mugt edip bermekçi bolýarys. Blog islendik atda bolup, içindäki ýazylýan zatlar herdürli bolup biler, biziň maksadymyz türkmen internedini az hem bolsa ösdürmek.

Blog açdyrandan soňra, herkimiň öz admin panely, ýagny bloglaryny pozup, täzesini goşup, täze sahypa goşup  (meselem: özüm hakda. düşüren suratlarym) ýaly sahypalary döredip beýlekiler bilen paýlaşyp bilerler. Bu zatlar hakynda bolsa, ýörite düşündirýän dokumentation bolar. Iň gyzykly ýeri bolsa, awtoryň öz blogy hakynda analiz edip bilmegidir. Ýagny haýsy ýurtlardan sahypaňyza girilipdir, näçe minut sahypada otyrylypdyr, gündelik näçe adam we näçe gezek girilýär, haýsy bloglaryňyz köp okalypdyr we ş.m maglumatlary gündelik alyp bilersiňiz.

Ýene-de, öz adyňyza mail açynyp bilersiňiz. Meselem agajanh@agajanh.com, şu adresim bilen GTalk-da çatda hem otyryp bilýärin.

Näme üçin mugt edýäňiz diýip bilersiňiz, sebäbi biziňki ýekeje gezek ullakan systema ýasamak. Ol systema hem teswirler bilen baglylykda bolar. Teswirlere girip, siziň blogyňyza basanlarynda awtomatik usulda siziň şahsy sahypaňyza girer we şol blog açylar. Teswirler hasabyňyz bilen, bloggerleriň saýtlarynda teswir ýazyp bilersiňiz. Dostlaryňyz näme ýazýan bolsa, olaryň hem sahypalaryna linkler goýup bilersiňiz. Bloglaryny email arkaly yzarlap bilersiňiz we birnäçe aýratynlyklary bar, bularyň ählisini proýekt gutarandan soňra ýazmakçy.

Ýagny biz şeýle blog sahypasyny ýasanmyzdan soňra, herkim üçin paýlap bilýäris. Biz ýasanmyzdan soňra, bizde taýýar işleýän ulgam bolar, şony näme üçin herkime bermeli däl? Goý herkim ulansyn! Ýöne ulgamy goýmak üçin we öz adyňyzdan registrasiýa etmek üçin serwer we domain gerek bolýar. Bulary özümiz berip bilemzok, bolmasa ony hem mugt bererdik 🙂


Çykdajylar hakynda bolsa, .com domainy almak üçin ýyllyk 10$ töweregi. Serwer üçin bolsa 40$ töweregi bolar. Jemi alanmyzda, ýyllyk 50$ çykdajy bilen blog sahypaňyzy ýöredip bilersiňiz. Taýýar ulgamy, serwera göçürip, domain registrasiýa etmek hem 1 günlik işi bar. Ýene-de, eger biz systemada täze özgertmeler geçirsek, hemmeler bilen bilelikde siziň sahypaňyzda hem geçiriler. Dizaýn 10-15 sany bolmagyna garaşýarys, ýagny 10-15 sany dizaýn içinden halanyňyzy saýlap bilersiňiz.

Siziň hem pikirleriňize garaşýarys. Ýokarkylary ýazmagymyň sebäbi, systema entek diňe ideýa we durmuşa geçirilmedik. Näçe adamyň şuny ulanjakdygyny bilesim gelýär. Eger 100-den, iň bolmanda 50 adamdan geçen ýagdaýynda blogçylaryň arasynda ýaryş gurnaýan aýratyn bir saýt etmek hyýalymyzda bar. Islendik blogçy ýaryşa gatnaşyp biler we awtomatik usulda, kim öňde we kim yzda, kimler bolsa ilkinjileriň hatarynda barýandygy real wagtda görkeziler. Blog sanyna, okaýjylar sanyna we ş.m zatlar boýunça hasaplanar.

Şeýle ýagdaýda blog ýöredinmek islärdiňizmi? Jogabyňyza garaşýarys...