“Nokialar” “MeeGo” bolar

Finlýandiýanyň “Nokia”
şereketiniň wekilleri indiden
beýläk “N” kysymly “akylly”
telefonlarynyň (smartfon)
“Symbian” operasion ulgamy bilen däl-de “MeeGo” operasion
ulgamy bilen işlejekdigini öz
saýtynda resmi ýagdaýda habar berdiler. Ýeri gelende aýtsak, “Nokianyň”
smartfonlarynyň 2010-njy ýyldan öň çykanlarynyň bary diýen ýaly “Symbian” ulgamy arkaly işleýär.
“Google” şereketiniň “Android” ulgamynyň uly meşhurlyga eýe bolmagy hem-de “iPhoneleriň”
barha “güýçlenmegi” “Nokia” hem-de “Intel” şereketleriniň täze mobil operasion ulgamynyň
üstünde bilelikde işlemegine sebäp bolupdy. “MeeGo” ulgamy iki şereketiň hyzmatdaşlygyndan
döredilendir.Ygtybarly “CNET” habarlar gullugynyň beren habarynda “Nokia N8” smartfonyny “Symbian” bilen üpjün edilen soňky “Nokia” boljakdygyaýratyn nygtalýar. “Nokia” şereketiniň wekilleri bolsa, öz saýtlarynda “Symbian” ulgamynyň hem ýok bolup gitmejekdigini, arzan telefonlarynyň binýady boljakdygyny habar berýärler.
“CNET” gullugynyň habarynda häzirki wagtda “Nokia” jübi telefony önümçiliginde birinji orny eýeleýändigi, ýöne şereketiň analitikleri “Google Android” hem-de “Apple iPhone OS” ulgamlarynyň hem-de şol ulgamlary ulanýan enjamlaryň müşderileriň göwnünden ýokary derejede turandygyny görüp, bäsdeşlikde yza galmazlyk üçin “MeeGo” ulgamyna geçmek kararyna gelendikleri aýdylýar.