Kwadrantyň içinde özüňi tap ýa-da öz ýoluňy saýla.

Salam hormatly teswirçiler!

Bu mowzugy ýazmana Türkmentalyp dostumyz sebäp boldy. Meni ruhlandydy diýsegem boljak. Aşakdaky surada kwadrant diýilýär, dünýäde dört görnüşli adamlar bar. Indi kwadrantyň içinde özüňizi tapyň ýa-da kwadrantyň haýsy-da bolsa bir tarapyny saýlaň.



E – gullukçylar.

S – özi üçin işleýänler

B – biznesmenler

I – Inwestorlar.

Geliň indi bular hakda aýratyn durup geçeliň.

E – Gullukçylar

Bu tipli adamlara dünýäniň 90% ilaty girýändir. Olar hökümet edarasynda ýa-da hususy firmalarda ir bilen sagat 8:30-dan öýlän sagat 17:00-a çenli işinde oturýalar. Durmuşlarynyň her bir güni şeýle gaýtalanyp durýar. Köplenç olaryň pikirleri şulardan ybarat: “Meniň üçin pul hiç zat. Bu dünýäde esasy zat pul däl. Pul bu eliň kiri we ş.m”. Şeýle adamlara şu soragy beresim gelýär: “Pul seniň üçin hiç zat bolsa, onda näme üçin çagalaryň bilen kän wagt geçireňokda ertirden agşama çenli pul üçin işläp geçirýäň?”

Bu tipli adamlaryň esasy düşünjesi “howpsyzlyk”. Olaryň pikirine görä, bir iş tapyp, ömrüniň soňky günlerine çenli şol işde işläp ýöremek. Olar risk diýen zatdan gaty gokýalar.

Şeýle adamlaryň nalynýan sözleri: “Keselhanalarda-da diňe pully adamlara seredýärler”. Ýa-da “hökümet bizi aldaýar”. Ýa-da ýene biri “meniň işleýşime görä, aýlyk hakymyň galdyrylmagyny isleýän”.

Ýöne kwadrantyň bu sektory olaryň pikir edişi ýaly howpsyz däl. Bularyň durmuşy ”B” görnüşdäki adamlara degişli.

S – Özi üçin işleýänler.

Bu tipli adamlar özi üçin işlemäni gowy görýäler. Özleri kiçijik ofis açyp, ýa-da öýünde ofis açyp kiçijek biznes ýöretýäler. Bu adamlaryň elinde käri bolýar. Meselem olardan dantistler, ussalar, şahyrlar, ýazyjylar, suratçylar we .ş.m. Olaryň düşünjesi, şol işi diňe özleri gowy başarýalar. Başga biriniň edenine göwünleri ýetmez, diňe öz ýasan zatlary özleri üçin jaý. Şol sebäplide diňe özleri işleýäler.

Bu adamlaram risk etmekden, gorkýalar. Bular üçinem howpsyzlyk esasy zat bolup durýar. Kwadrantyň bu sektoryda howpsyz däl. Sebäbi olar ýeke işleýäler. Eger-de şol adam kesel bolsa ýa-da maýyp bolsa, onda biznes gutarýar. Işläp bilmesede girdeýji ýok.

B – Biznesmenler

Bu tipli adamlar risk etmäni halaýan adamlar. Kellesindäki pikirleri durmuşa geçirýän adamlar. Olar ýykylyp ýenede ýerinden turup, üst-başyny kakyp ýoluny dowam etýän adamlar. Olar “E” we “S” görnüşli adamlaryň biliminden peýdalanýalar. Olaryň düşünjesi: “ Bu işi beýlekiler edip bilýärke men näme üçin edeýin.” Şol sebäplide bular ullakan firmalary açyp, bir näçe adamlara iş orunlaryny berýäler. Olar adamlary işletmäni başarýan adamlar. “E” görnüşli adamlaryňam durmuşy hökümede bagly ýa-da “B” görnüşli adamlara degişli. Sebäbi “B” adamlar iş goýujy, olar firmany ýapsa, sokraşenýa etse, firma bonkroda düşse onda “E” görnüşli adamlaryň durmuşy kynyrak bolar.

B- biznesmenleriň esasy pikiri “bu maňa başartmaz” dälde “muny başarmak üçin nämeler edip bilerkäm?”.

I – Inwestorlar.

Bu adamlar pul üçin işlänoklar, bu adamlar puly özi üçin işletýäler. Olar bir biznese pul goýup, şol puly iki esse edip almany halaýalar. Olar köplenç nedwižomost satyn alyp, soňam olary satmak ýaly oýunlar oýnaýarlar. Olar fiziki iş edip özüni gynanoklar, olar diňe pikir etýäler. Olar üçin boş wagtlary kän, şol boş wagtlaryny çagalaryna berýäler, maşgalasy bilen syýahat etýäler. Olar üçin pul problema däl. Sebäbi olar uly kapital gurdular. Bu adamlar köplenç öň biznesmen bolanlardyr. Dünýäde esasy hemaýatçylyk etýän, afrikadaky aç çagalara kömek etýän adamlar “I” görnüşli adamlardyr.

Ine, hormatly teswirçiler ähliňizi-de kwadrantyň sag tarapynda görmegimi isleýän. Ähli adamam “B” we “I” bolup bilýär. Ýöne nädip bolmalysy hakda kitaplar okamaly we güýçli höwesiň bolmaly. Men size Napoleon Hill-iň “Pikir et we baýa” (Думай и богатей) diýen kitabyny okamany maslahat berýän. Kitabyň adyna üns beren bolsaňyz “Arzuw et we baýa” ýa-da “ertirden agşama çenli işle we baýa” dälde, “Pikir et we baýa”. Pikir edip bilseňiz ähli arzuwlaryňyza ýetip bilersiňiz. Inwestisiýa, biznes gurmak hada bilimleriňizi artdyrjak bolsaňyz, Robert Kiosakiniň “Baý kaka, garyp kaka” (Богатый папа, бедный папа) we “Pul akymynyň kwadranty” (Поток денежьнего квадранта) atly kitaplaryny okamagy maslahat berýän. Durmuşyňyzy isleýşiňiz ýaly guruň.

Sen haýsyna degişli ýa-da haýsyny saýlaýaň?

E(33%, 7 adam)

S(28%, 6 adam)

B(23%, 5 adam)

I(14%, 3 adam)