O dünyä durmushynyn haklygy barada deliller - Dowamy II

Salam agzalar,
 
Bu temanyn 1-nji bolegini onki temalardan tapyp okap bilersiniz. Ine bu hem onun dowamy.
 
Her biri o dünýä ýaşaýyşynyň barlygy mantykly subutnama bolan deliller barada pikir ediň. Eýsem, ynsany birinji gezek ýaradan Allah tagala, ynsany ölenden soňam ýaradyp bilmezmi? Şübhesiz, muny Allaha barlygyna ynanmaýan adamlar inkär ederler. Allahy inkär edenler bolsa akylsyz we bozgak adamlardyr. Allah tagala şeýle diýdi:
5. Eý, ynsanlar, eger siz gaýtadan dirilmege şübhede bolsaňyz, onda (serediň) Biz size (Allahyň gudratyny) beýan etmek üçin size (ýagny, ataňyz Adamy) toprakdan, soňra (janly-jandary owal-a) nufta-damjadan, soňra lagta gandan, soňra ýaradylyp biten-bitmedik (ýagny, ynsan suratynda şekillenip biten ýada bitmedik) bölek etden ýaratdyk. Biz (sizi) Özümiz islänimizçe – mälim mütdete çenli (ene) garnynda galdyryp, soňra çaga halyňyzda (ýagny, äleme) çykarýandyrys, soňra kämillige ýetýänçäňiz (hem Özümiz tertiýe edýäris). Sizden (çagalyk, ýaşlyk ýyllarynda) wepat tapýanlar hem bolar, ýene sizden (köp närse – bilimleri öwrenip) bileninden soň, hiç zady bilmän galmak üçin iň ýaman ömre (ýagny, garrap, muňalyp galmaga) gaýtarylan kişiler hem bolar. (Gaýtadan dirilmegiň) hakdygynyň ýene bir (delili şudur) – siz bu ýeri boş (öli) ýagdaýynda görersiňiz. Indi haçanda Biz onuň üstünden suw-ýagmyr ýagdyrsak, ol herekete gelip we güberçekläp we dürli-dümen gözel (nebadat) jübütleri öndürer.
6. Muňa sebäp, Allahyň Hakdygy we Onuň hemme zada kadyrlygydyr.
7. Ýene anyk ki, (kyýamat) sagady, şek-şübhesiz, gelýändir we, elbetde, Allah gabyrlardaky barça janly-jandary dirilder.
Haj süresi.
Eger adam akyly bilen bu mübärek aýat barada oýlanda, onda birinji gezek ýaradylan zadyň ikinji gezek ýaradylmagy gaty ýenilligini we hakdygyny biler. Edil şu manydaky aýaty Allah öz Kitabynda beýan eden:
27. Ol owal-başda Özi ýaradyp, soňra (kyýamat güni) Özi ýene gaýtadan ýaradýan zatdyr. (Gaýtadan ýaratmak - diriltmek) Oňa örän aňsatdyr.
Rum süresi.
Bu aýatlar hakynda oylanan adam bu zatlaryň hakdygyny tassyklar.
Yokardaky aýatda Allah tagala ýagyşy mysal edeni bilen onuň diňe ýagyş bilen baglanyşygy bolman özleriniň göýa ösümligiň ýagyş ýaganda ýerde gögerip çykyşy ýaly diriljegine hüjjet. Allah tagala başga aýatda şeýle diýýär:
39. Onuň (tenhalygyna we gudratyna delalat edýän aýat-alamatlardan biri) siziň ýeri gup-gury halda görmegiňizdir. Bes, haçan Biz onuň üstüne suw-ýagmyr ýagdyrsak, ol herekete geler we önüp-öser. Elbetde, şol topragy dirilden – ölüleri hem dirilder. Çünki, ol barça işe kadyrdyr.
Fussilat süresi.
Ylym esasynda tozan we dumanlardan ägirt uly ýyldyzlaryn emele gelýändigini uly möçberdäki mikroskoplaryň kömegi bilen tassyklaýarys. Eýsem, Allah toprakdan çüýräp giden süňkleri ýaňadan ýaradyp bilmezmi? Allah tagala aýdan:
57. Şek-şübhesiz, asmanlary we Ýeri ýaratmak ynsanlary ýaratmakdan ulurak (iş)dir. Ýöne köp adamlar bilmeýärler.
Düşündiriş: Käfirlere: “Asmanlary we Ýeri kim ýaratdy?” diýilse, “Allah” diýýärler-de, “Allah tagala kyýamat gününde barça ynsany gaýtadan dirildýär” diýilse, ynanmaýarlar. Şu aýaty-kerim şolara berlen temmidir.
Gafur süresi.
Bu – o dünýä durmuşynyň haklygyna dokuzunjy delil. Ylym we hikmete eýe bolan Allah bu ägirt dünýäni keýp etmek we adylsyzlyk üçin ýaratmazdy. Allah ynsanlary Özüne ybadat etsinler diýip ýaratdy, ýöne köp adamlar bu dünýäde name üçin ýaşaýan, nirden geldim, nirä barýan diýip pikir hem etmeýärler. Olar özlerini ýaradan Allahyň çakylygyna uns barman, diňe bu dünýä keýplerden lezzet alyp ýaşamagy rowa görýärler. Ol Allah şeýle diýen:
115. Ýada siziň gümanyňyzça, Boz size biderek (ýagny, dünýäde size zat berilmeýän ahyretde hasap-kitap edilmeýän ýagdaýda) ýaratdyk-da, siz Biziň huzurymyza gaýtarylmarsyňyzmy?! (Onuň ýaly däl)!
116. Aslynda, Hak Patyşa – Allah (islendik bir işi biderek etmekden) beýikdir. Hiç bir ilah ýok, meger, Ol beýik arş sahyby bardyr.
Muminler süresi.
Käfirlerin gümanlaryna görä, beyik Allah tagala ynsanlar hakynda unutdy we olary hiç emir we haram edilen buýruklar bermedi, diýyärler. Hi Allah tagala bu häsiýet gelişjek zamy?! Allah tagala öz bendeleriniň ýaradylyşynda ýagşy işe söýgi-höwes, ýaman işlere bolsa ýigrenç goýdy. Eýsem, käfirler name üçin şeýle diýip pikir edýärler: Yaman iş edenler jezalanmaz, ýagşy iş edenler bolsa serpaýlanmaz diýip pikir edýärler. Bu Allaha gelişmejek häsiýet. Bu dünýä bir synag dünýäsi, onuň netijesinde ynsan bu dünýäde eden işlerine görä o dünýäde garşylygyny alar we bakylykda ýaşar.
Allah hemme kemlerden päkdir. Adam dashyna we özüne seredip oýlasa Allahyň nä derejede hikmetlidigini, rehimlidigini, hemme zatdan beýikdigine, hemme zady görýändigine we adyldygyna göz ýetirer. Ol Allah edilen ýaman işi jezasym goýmaýar we edilen ýagşy işem boş goýmaýar. Ilahi adalat o dünýäde boljak we o gün bolsa gün geçdigiçe ýakynlaşyp dur.
Bellik: Bu aşakdaky ylmy fakt ilkinji gezek Kuran aýatynda bellenilip geçipdir.
11. Soňra duman halyndaky göge ýüzlenip, oňa we Ýere: “(Meniň emir - permanyma) öz islegiňize görä ýa mejbury geliň!” diýipdi, olar: “Öz isleg – ygtyýarymyz bilen geldik, (emriňe boýun syndyk)” diýdiler.
Fussilat süresi.

XX asyrda yokary tehnolgiýalaryň kömegi bilen geologlar we astrofizikler hakykatdan hem asmanlar we ýer gaz we dumanlardan emele gelendigini tassykladylar. Bu barada “The Space Atlas” (Kosmiki atlas) Hiter we Henbest diýen kitabyň 50-nji sahypasynda suratlar görnüşinde giňişleýin okap bilersiňiz.