"Teswirçileriň" 1-nji Halkara duşuşygy
“teswirlerçileriň” duşuşugyna gelermisiň diýdiler.
“Gelerdim welin, ýaş tapawudymyz bar, gowusy özüňiz duşuşyň, görüşiň” diýdim.
“Deň-duşuňyzam boljak, Türkmensähralylar gelipdir” diýdiler.
“Bararyn” diýdim.
Bardym.
Köçede garşylan agajan-H eken, men bolsa agasy atamyrat-H-dyr öýdüpdirin.
Men oňa ýalňyşyp, “senem geldiňmi” diýipdirin, Singapurdan.
Bilip goýuň, agajan öňkije kiçijek agajan däl, ulalypdyr, gytalypdyr, betelipdir, daýawlanypdyr, ösüpdir....
Duşuşyga eýranly ejegül we gyzy meňgüliň gatnaşmagy duşuşygy halkara derejesine çykardy.
Ejegüliň ýoldaşy we ogly duşuşyga synçy hökmünde gatnaşdy.
Ejegüliň aýtmagyna görä olaram ýakyn wagtda teswirlere agza boljakmyşlar.
Garry adamlaryň öwünmegi we geplemegi halaýandyklary çyn eken, biz ýaşlara gezek bermän köp gepläpdiris.
Duşuşyga kim agzalargeldi?
Nohurjyk, Nazar, Agajanh, Muhammedaly, Ejegül, Meňgül, Lady, ýene 2 gyz (atlaryny doly ýadyma düşürip bilemok, bagyşlasynlar. Özleri aýdarda), Ejegüliň ýoldaşy we ogly Masut.
Köp oturypdyrys, köp gepläpdiris, ýöne hiç geplemedik agzalarymyzam bar.
Temalar barada, agzalar barada gürrüň edildi, agajana maslahatlar berildi, minnetdarlyk aýdyldy...
Anekdot aýdaýyn.
Toýda bir bagşy aýdym aýdýamyş, bagşy “bagşyjanmyş”, ýagny aýdymy zordan aýdýamyş.
Her kim halaman ýuwaşlyk bilen dagap gidipmiş.
Biri otyr diýýä.
Bagşy aýdym aýdýa, olam otur diýýä.
Ahyry wagt bir çene baranda bagşy dillenýär: “her kim gitdi welin sen entegem otyrsyň, sen aýdym-saza gowy düşünýäň öýdýän?”
O-da jogap berýär:“wah, aşagyňdaky keçe meň keçäm, üstünden düşseň menem keçämi alyp, gaýtjak welin....”
Bize-de oturan kafemiziň işçileri: “Sizem gaýtsaňyz, bizem kafeni ýapyp, gaýtsak...” diýdiler.
Gije 11-lerde dargadyk.
Ýolda atamyrat parkynda gezelenç etdik, we myhmanlary “Ak altyna” ugratdyk.
Teswirleriň 1-nji halkara Aşgabat duşuşygy gysgaça şeýle geçdi.
Galan zatlaram gatnaşanlar giňişräk ýazyp bilerler.
Agajana ýene bir gezek minnetdar, biz barada gije-gündiz edýän aladalary üçin.
Bu duşuşygam onuň adminlik aladalarynyň netijesidir.J
Arhiwiň ýagdaýy
● Doly tekst
● 91/91 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 91
2nji Agajan (agamy) men tanaýan 🙂))
dushushyk gowy täsirli geçen bolsa, göwnüñiz açylan bolsa, ruhuñyz belentde bolan bolsa, tanyshan bolsañyz bet bolupdyr. 🙂 bizlerede indiki dushushuklara gatnashmak nesip etsin. 🙂
p.s Mähri dawaý bizem awgustda Lebapa çagyraly agzalary! Baýram agam bilen Arslan dostum organizowat ederlerdä blum 🙂))
Asyl Bayram agan ady Agajandymy? 🙂
Yegen, sentyabrda etseniz, Lebaba barmakçy 😉
Ýok how. Bashgada Agajan agam bar... Taryhy gaty uly onuñ men aýtmaýyn sen eshtme 🙂
Wiii ýogsada sentýabryñ bashlaryna t-abada aýlanaý bile aýlanarysda beýlekilerä o wagtlar okuwuna giderler. 🙂 awgustda hemme lebaplylaram t-abatda bolýar, showagt dushushyk geçirmeli Mähri gelsin hany, soñ haçan näme etmelisini çözeris 🙂
Men sentyabryn birinji 7 günliginde tm-da nesip bolsa. Maslahatlaşyn, sonam aydayyn 🙂
Haý Oraz aldadyňyzow 🙂
Meň bilen salamlaşyp giden bolsaňyz men bilerdim. Ýa-da bize görünmän gelip gitmegiň peýdasy näme? 🙂
Teswirçileriñ du$u$agynyñ höwri kop bolsun indiki du$u$yklara hudaý etirsin bizede gatna$mak nesip etsin Allajan
Bir sany opshyja bolup düshen suratyñyzy goýuñda walla! 🙂
Hakykatdanam dushushyk boldumy-ka?
öňler agzalar biri-biri bilen gaty süýji gürleşýän ekenlaý, urş dawa jenjel, artykmaç ýatyp gülmek ýok...🙂
duşuşyklary agzalara görä, ýazýan temalaryna görä gurnamalymyka diýýän.
mysal üçin:
«+18-çileriň duşuşygy»,
«edebiýatçylaryň duşuşygy»,
«Isada halas bolanlaryň duşuşygy»,
«Deistleriň duşuşygy»,
«Hiç zat bildirmeýänleriň duşuşygy»,
«Futbolistleriň duşuşygy»,
«Telekeçileriň duşuşygy»,
«teswirlere agza bolmaýan myhmanlaryň duşuşygy»,
«dizaýn we web diýaznçylaryň duşuşygy»,
«türkparazlaryň duşuşygy»,
«orsparazlaryň duşuşygy»,
«otparazlaryň duşuşygy»,
«milletçileriň duşuşygy»,
«çyraçylaryň duşuşygy»,
«antiçäreçileriň duşuşygy»,
.....
tüweleme topar-topara bolup gidipdiris.
diňe içeri işler ministrligine arza berip registrasiýa edäýmek galypdyr.
onsaň azyndan 10 töweregi topara boljak.