Aýralyk çyndanam kynaý

Islendik bir zatdan, bir ýerden ýa-da kimdir birinden aýrylmak kyn gerek. Meň üçinä şeýle. Esasanam soň görmejegiňi bilip durkaň aýrylmak kyn. Meselem hemmämizem öýümizi taşlap gaýdýarys bir ýerlere. Yzymyza gaňrylyp seredemzogam. Sebäbi ýene birnäçe wagtdan dolanjagymyzy bilýäris.

         Men ()-da (şäheriň ady hökman däldirdaý) işleýän wagtym öýe 4 gezek gaýtdym. Gaýdamda diňe öňe seredýädim. Haçanda iň soňky gezek gaýdamda bolsa otlyň penjiresinden daşyna gaçaýjak bolup şäheri synlaýardym. Şäherem, wokzalam, wokzalda zat satyp ýörenlerdir ýolagçylaram hamana meň derdime şärik ýaly gamly görünýärdiler. Öňler öýe gaýdamda bary-ýogy 1-2 hepdeden yzyma geljegimi bilip duramsoň bu duýgulary başdan geçirmändim.

         Indi oýlanýan, şu wagtky okaýan şäherimdenem haçanam bolsa bir wagt iň soňky gezek öýe gaýdaryn (entegä ýekeje gezegem gaýdyp göremok). Bu ýerdäki dost-ýarlamdanam aýra düşerin. Hatda biri eýýäm öýüne gaýtdy. Menem yzyndan gözden ýitýänçä seredip galdym. Damagym dolup “Hoş, sagaman bar”am diýip bilmedim. Men öňräk (

)-a gidemde-de aýra düşüpdim dostlamdan. Ýöne ýokarda ýazyşym ýaly beýle duýgyny başdan geçirmändim.

         Ejemizden-kakamyzdan, dogan-garyndaşymyzdan wagtlaýyn aýra düşýäris. Ýene täzeden  görüşjegimizi bilýänimiz üçin bolsa beterem gynanamzok. Emma kimdir biri ýogalanda welin beýle bolmaýar. Gynanjymyzyň hetdi-hasaby bolanok. Aslynda ölümem wagtlaýyn aýralyk ahyryn. Iru-giç ýene görüşjegimize ynanýarys. (ynanmaýanlarama bardyr)

        Aý bu zatlary indiki ýyl başga şäherde okajakdygym üçin içim duýgudan dolup ýazaýdymlaý.