409 kilogram horlanyp gaýtadan semredi

409 kilogram horlanyp
gaýtadan semredi
Berhiz tutup, 409 kilogram horlanansoň gaýtadan ýene öňküsi ýaly semrän Maýkl
Hebranko “dünýäniň iň gowy berhiz tutan, şol bir wagtyň özünde iň erbet berhiz tutan
adamy” diýen ady aldy. 56 ýaşyndaky Maýkl Hebranko
ilkibaşda 1990- njy ýylda semizliginden birahat bolup, berhiz tutmagy ýüregine düwýär.
Berhiz tutmaga başlanda agramy
508 kilogram bolan Hebranko 89 kg düşüp dünýäniň iň köp horlanan adamy hökmünde Ginnesiň Rekordlar kitabyna
girýär. Emma Hebrankonyň “hor”
günleri uzaga çekmeýär we ýene
öňki agramyna çykýar. Şeýlelikde ol ýene bir rekordyň eýesi bolýar.
Maýkl Hebranko özüniň
“naharhordygyny” belläp, bu ýagdaýyň arakhorlyk we
neşekeşlikden tapawutly däldigini aýdýar. Äpet pyýadanyň semizlikden ýaňa öýkenindäki
damarlar dykylyp, dokumalaryna
zyýan ýetýär we şu zerarly ol ölümiň bäri ýanyndan gaýdýar.
Ýaňy 15 ýaşyndaka agramynyň 135 kg-a ýetendigini bellän
Hebranko şol ýaşda beýle ýagdaýyň özi üçin örän kyn
bolandygyny, hemmeleriň üstünden gülendigini, şonuň
üçinem ýeke galandygyny aýdýar.
Soňra tanşyp durmuş guran we 35 ýyldan bäri ony terk etmedik
aýaly bolsa Hebranko üçin bir perişde. Hebrankonyň aýaly
birwagtlar telewizorda saglyk we sport barada gepleşik alyp barýan Riçard Simmonsa telefon edip kömek sorapdyr. Simmons
her gün Hebranko bilen habarlaşyp, 5 hepde soň ony
hassahana ýüz tutmaga razy edipdir. Şeýlelikde Hebranko
Simmonsyň kömegi bilen horlanypdyr. Horlanmakda rekord goýansoň berhizi taşlan Maýkl Hebranko iş ýerinde we öýünde gizlinlikde nahar iýmäge başlapdyr, şeýdibem gaýtadan
öňki agramyna çykypdyr.